KIONGOZI wa tawi la Yanga Tandale jijini Dar es Salaam maarufu kwa jina la "Jitu" ameungana na mwanachama mwingine nguli, Sud Tall ili kwenda mahakama ya Kisutu kusimamisha Ligi Kuu Tanzania Bara.

Wanachama hao nguli wa klabu ya Yanga wanapinga mazingira yaliyotumika kuipa Simba pointi 3 na mabao 3 kutokana na rufaa yao dhidi ya Kagera Sugar.

Simba iliyopewa pointi hizo na Kamati ya saa 72 baada ya kupinga Kagera Sugar kumtumia Mohamed Fakhi katika mchezo uliofanyika kwenye uwanja wa Kaitaba na kufungwa mabao 2-1.

Kamati ya Ligi ya saa 72 ilitoa uamuzi huo mapema Alhamisi wiki iliyopita ambapo hata hivyo uamuzi huo umepingwa vikali na viongozi wa Yanga na hata klabu ya Kagera haijaafiki kupokwa pointi hizo.

“Hakuna jambo lisilokuwa na mwisho, nimepanga kuungana na Tall mahakamani Kisutu leo kusimamia Ligi mpaka pale suala hili litakapopatiwa ufumbuzi,” alisema mwanachama huyo hai wa Yanga.

“Ndiyo, kuna mazingira ya utata ya namna ambavyo Simba wamepewa pointi za chee, ngoja tuone mahakama itasema nini, pointi za mchezo wa soka zinapatikana uwanjani na sio mezani kama walivyofanya wenzetu,” aliongeza.


Klabu ya Yanga inakamata nafasi ya pili kwenye msimamo wa Ligi Kuu Bara ikiwa nyuma ya Simba ambao Jumamosi walicheza na Toto African katika uwanja wa CCM Kirumba jijini Mwanza. 
USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac