Habari

WASHAWASHA CLASSIC KAMA KAWA FRIENDS CORNER MANZESE ARGENTINA

on

WAPENDA maraha wa kitongoji cha
Manzese na maeneo jirani, kama ilivyo ada leo Alhamisi wanatarajiwa kumiminika
ndani ya Friends Corner, Manzese Argentina, Dar es Salaam pale kundi la taarab
la Washawasha Classic Min Band litakapokuwa likiunguruma.
Bosi wa Washawasha Classic,
Amour Maguru ameitonya saluti5 kuwa, burudani ndani ya ukumbi huo itaanza
majira ya saa 12:30 jioni ambapo amewaomba mashabiki kufika kwa wingi ili
kujipatia mambo matamu ikiwemo vibao vyao vipya ambavyo ni maandalizi ya albamu
yao ya kwanza.
“Tutakuwa na surprise kibao
katika shoo yetu ya leo, hivyo tunawaomba mashabiki pamoja na wapenzi wetu wote
waje kwa wingi ili kushuhudia na kupata kile ambacho tumekiandaa kwa ajili
yao,” amesema Amour ambaye ni kati ya wapapasaji kinanda mahiri wa taarab
hapa Bongo.

Washawasha Classic ni kati ya
bendi za taarab zilizoko juu kwa sasa kutokana na kukubalika vilivyo kwa
mashabiki wa miondoko hiyo, hasa kwavile inakusanya mastaa wenye wapenzi wengi
wakiwemo Mwanahawa Chipolopolo, Omary Sosha na Super Amran.

Comments

comments

About Saluti 5

Recommended for you

Leave a Reply

Your email address will not be published. Required fields are marked *