Habari

BENCHI “LISILO NA SABABU” LAMSHANGAZA ABDI BANDA… asema mkataba wake ukimalizika Simba anasepa zake

on

BEKI wa Simba, Abdi Banda
amesema kwamba hana tatizo la majeruhi kama watu wanavyosema na kwamba suala la
nani apangwe kucheza ni jukumu la kocha mkuu, Joseph Omog.
Banda ambaye hivi karibuni
alisimamishwa na Kamati ya Nidhamu ya TFF kwa kosa la kumpiga ngumi kiungo wa
Kagera Sugar, George Kavila tangu aachiwe huru ameshindwa kuitumikia timu hiyo
katika mechi mbili za Ligi dhidi ya Azam na African Lyon.
Akihojiwa na mtandao mmoja wa
michezo, Abdi Banda ambaye alikuwa akiwatazama wenzake wakisakata kabumbu dhidi
ya African Lyon, amesema kitendo cha kutopangwa katika kikosi cha Simba kwa
sasa haelewi nini shida ikiwa amekosa takriban mechi mbili ilihali hana
majeruhi.
“Nafanya mazoezi na wenzangu
lakini katika mechi zetu naambiwa wewe huna nafasi, ikiwa nipo fiti na wala
sina majeruhi hata kidogo, mimi nashangaa na wala sijui chochote labda wewe
ukamuulize kocha wangu Joseph Omog kwanini hanipangi katika kikosi?” amesema
banda.
Banda amesema kuwa mkataba wake
ukiisha msimu huu hana mpango wa kuongeza mkataba wake na Simba.
“Tayari nimeshasaini mkataba wa
awali na timu moja ya Afrika Kusini ambayo ndiko nitakayojiunga nayo mara baada
ya kumalizana na Simba,” amesema Banda.

Kiraka huyo mwenye uwezo wa
kucheza beki namba 3, 4, 5 na kiungo namba 6, mzunguuko wa kwanza alitishia
kuondoka katika timu yake hiyo kama angeendelea kufanywa mchezaji wa benchi.

Comments

comments

About Saluti 5

Recommended for you

Leave a Reply

Your email address will not be published. Required fields are marked *