Habari

HUSSEIN MACHOZI ASEMA SYLVESTER MASHA NDIE ALIYEKATISHA MALENGO YAKE KISOKA

on

HUSSEIN
Machozi amefichua kwamba aliyekuwa kocha wa timu ya Kagera Sugar, Sylvester
Masha ndiye aliyekatisha malengo yake kisoka na kujikuta akiangukia kwenye
muziki, baada ya kumpiga chini pamoja na wenzake wengine wawili na kuwapa
nafasi wachezaji watatu wapya aliotua nao kutoka Mwanza.
Machozi
amesema kuwa Masha aliingia Kagera Sugar na kumkuta akiwa chini ya kocha Mganda
George Semugerere ambaye alikuwa anamwamini na kumpa nafasi katika kikosi cha
kwanza.
“Lakini
alivyokuja Masha akiwa na wachezaji wake watatu ambao ni Mrisho Ngassa, Juma
Jabu na Jumanne, ilibidi wachezaji wa zamani watatu waachwe ili wale aliokuja
nao waingie, ndipo sisi tulipokutwa na bahati mbaya ya kuachwa,” amesema
Machozi.
“Kwa upande
wangu sababu ya kuachwa eti ilikuwa ni kwamba ningoje nikue kwanza eti sina
nyama bado mdogomdogo, wakati nilikuwa niko sawa na nilikuwa nacheza vizuri
tu.”
“Kwa vile
nilikuwa niko mdogo sikuwa na maamuzi mazuri nikaamua kusema kwamba basi mimi
kuanzia leo mpira basi, nikaacha kabisa. Nakumbuka kipindi hicho nilikuwa
napigiwa simu sana na viongozi wa Yanga na Simba, lakini baada ya pale hata
simu zao nikawa sipokei, nikawa sitaki tena.”
Machozi amekwenda
mbali zaidi kwa kusema kuwa matukio kama hayo yanawatokea wachezaji wengi sana
hapa Bongo sio kwake tu, ambapo amedai kuwa soka la Tanzania lazima uwe na “refa”.
“Iwapo baba
yako alikuwa mchezaji au mchika kibendera au hata mlinzi wa uwanja, ujue
utacheza tu. Hata hao unaowaona timu ya taifa fuatilia historia zao, kuanzia
golikipa mpaka namba 11 utakutana tu na mambo ya namna hiyo.”

“Lakini
vipaji vya ukweli kabisa ambavyo hata ukimwangalia tu mtu unajua huyu soka
lipo, huwa hawapati nafasi. Iko hivyo,” amesema Machozi ambaye hivi sasa anatikisa
na kibao chake cha “Nipe Sikuachi”.

Comments

comments

About Saluti 5

Recommended for you

Leave a Reply

Your email address will not be published. Required fields are marked *