Habari

MBARAKA YUSSUF WA KAGERA SUGAR AIDENGULIA SIMBA SC… anukia kutua Yanga “mdogomdogo”

on

STARAIKA wa Kagera Sugar, Mbaraka Yusuf amefanya maamuzi yatakayowaumiza viongozi wa klabu yake ya zamani ya Simba, baada ya kugoma kupokea simu
za vigogo wa timu hiyo huku pia rafiki zake wakivujisha kwamba hana kinyongo
kutua upande wa pili, Yanga.
Taarifa kutoka ndani ya Kagera
Sugar ni kwamba licha ya kujua kuwa Simba kupitia mwenyekiti wa Kamati ya
usajili iliyo chini ya ZachariaHans Poppe wamekuwa wakimpigia simu mshambuliaji
huyo kinda lakini amekuwa hataki kurudi kwenye klabu hiyo.
Wakati Simba ikipambana hivyo
rafiki mmoja wa mshambuliaji huyo amefichua kuwa Yanga imetupa ndoano kwa Mbaraka
ambapo kinda huyo ameonyesha hana kinyongo katika kuvaa jezi ya njano na kijani
endapo maslahi yatafikiwa.
Rafiki huyo amesema Yanga
imeonyesha nia ya kumsajili mshambuliaji huyo aliyebakiza mkataba wa mwaka  mmoja na Kagera Sugar endapo hataongeza na Mbaraka amekubali kuhamia katika klabu hiyo baada ya kusemekana kuchoshwa na ubabaishaji wa Simba akitaka kucheza Ligi ya Mabingwa.
“Simba hawataweza kumpata tena
Mbaraka, unajua jamaa amewachukia kwa usumbufu waliomfanyia katika mkataba
wake lakini Yanga wakijipanga vizuri wanaweza wakampata kirahisi sana ingawa
ana mkataba na Kagera wa mwaka mmoja,” alisema rafiki huyo.

“Mbaraka anataka maslahi mazuri
na mambo yaliyonyooka hataki longolongo za Simba, Yanga wamemfuata lakini urahisi
kwao ni kucheza mechi za kimataifa ambayo ndiyo kiu yake sasa.”

Comments

comments

About Saluti 5

Recommended for you

Leave a Reply

Your email address will not be published. Required fields are marked *