Katika chombo ambacho kinaonekana hakina muhisika kamili katika Twanga Pepeta, ni tumba ambazo zimekuwa chachu ya muziki wa bendi hiyo tangu albam ya “Fainali Uzeeni”.

Katika albam za “Kisa Cha Mpemba” na “Jirani” tumba ndani ya Twanga Pepeta kilikuwa chombo ‘msindikizaji’ ambacho hakikupewa umuhimu mkubwa na kilikuwa kikipwa kiujanja ujanja na marehemu Banza Stone na wakati mwingine hata mwimbaji wa kike Jesica Charles.

Lakini tangu ujio wa marehemu MCD mwanzoni mwa miaka ya 2000, tumba za Twanga zikapata heshima kubwa na kuwa na mvuto wa kipekee kwenye muziki wa bendi hiyo.

Kwa bahati mbaya sana, tumba za Twanga zinarejeshwa tena katika enzi za “Kisa cha Mpemba” na “Jirani” ambapo sasa chombo hicho hakina wenyewe na kinapigwa na kila mtu, hata mashabiki wanapanda na kuzipiga.

Katika onyesho la Jumamosi ndani ya Mango Garden, tumba za Twanga zilipigwa na watu sita tofauti – Kirikuu, Maga, Joshua, Thabit Abdul, Mandela na shabiki mmoja ambaye jina lake halikupatikana. Ilikuwa kama vile jamvi la wageni, yeyote analikalia.

Hata hivyo, habari njema ni kwamba meneja mpya wa Twanga Martin Sospeter ameimbia Saluti5 kuwa wanatafuta mpiga tumba mpya.

Martin amesema kwa yeyote mwenye uwezo wa kupiga tumba awasiliane naye kupitia namba 0715202888.  

 Hapa tumba za Twanga zikipigwa na Thabit Abdul
 Hapa zinapigwa na mwimbaji Joshua
 Hapa ilikuwa zamu ya tumba kupigwa na mpiga drum Kirikuu
 Dansa Maga naye akionyesha mbwembwe zake kwenye tumba
 Dansa Mandelea naye hakubaki nyuma
 Mdau huyu wa muziki ambaye jina lake halikupatikana ndiye aliyekuwa akipanda mara nyingi kupiga tumba za Twanga Jumamosi usiku
'Kipofu' na 'chongo' ...hapa wawili hawa walikuwa wakifundishana namna ya kupiga tumba

USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac