Habari

SIMBA YAMREJESHA EMMANUEL OKWI MSIMBAZI… kuzibomoa pia Mbeya City, Azam FC

on

KUNA vitu anaweza
kuonekana kama unafanya haraka kuvisema lakini si dhambi kuzungumzia namna
Simba inavyojipanga na msimu ujao.
Saluti5 imefanikiwa kupenye chumba cha siri cha usajili wa klabu ya Simba na kugundua
kwamba kuna majina matata yameshatua kwa mwenyekiti wa Kamati ya Usajili ya
Simba, Zakaria Hans Poppe.
Kwanza kabisa ni Emmanuel Okwi ambaye anarejea Simba kufanya kazi yake ya mafanikio
ambayo amekuwa nayo kwa miaka mingi na kwamba Mganda huyo
anasemekana ameshakamilisha kila kitu kuhusu kurejea kwake ndani ya klabu hiyo ya Mtaa Msimbazi.  
Okwi ambaye
kwa sasa anacheza katika kikosi cha SC Villa ya Uganda, anakuja kusimama kwenye
winga mojawapo ya Simba na nyingine ikimwachia Shiza Kichuya.
Lakini pia
jina linguine ambalo linaingia kwenye usajili huo ni nahodha wa Mbeya City,
Kenny Ally ambaye amekuwa katika ubora wa hali ya juu katika kikosi cha Mbeya.
Kiungo huyo
anacheza kwa kasi kubwa uwanjani na anakuja Simba kuongeza ladha katika nafasi
hiyo yenye viungo wengine mahiri.
Lakini pia
katika meza ya usajili wa Simba kuna jina la beki matata ambaye pia ni nahodha
wa kikosi cha Mbao FC, Yusuph Ndikumana ambaye ukabaji wake unatisha.
Simba imedaiwa
kuwa inataka kumsajili beki huyo kufuatia habari kwamba kocha wa timu ya taifa
ya Uganda, Micho, amemtafutia timu katika nchi ya Selbia beki wa Simba raia wa
Uganda, Juuko Murshid.
Lakini pia
katika jalada hilo kuna kiwembe kimoja hatari kutoka klabu ya Nzoia Sugar ya
Kenya, Brian Nindo Otieno ambaye ni mmoja wa wapachikaji mabao hodari katika
Ligi Kuu ya Kenya.
Simba imedaiwa
kuwa imekataa kuwasajili wachezaji wanaotoka Yanga ingawaje kumekuwa na habari
kwamba baadhi ya wachezaji hao wamekuwa wakipiga kambi kwenye mlango wa Simba
kuomba kusajiliwa.
Lakini pia
Simba imedaiwa kutaka huduma ya mmoja wa wachezaji wa Azam FC ambaye hata hivyo
jina lake limeendelea kufichwa.
“Haifahamiki
kwa nini jina la mchezaji huyo linafichwa, lakini nadhani ni usajili
unaongojewa kwa hamu kubwa,” kimesema chanzo chetu.

 

Comments

comments

About Saluti 5

Recommended for you

Leave a Reply

Your email address will not be published. Required fields are marked *