Habari

VICTOR NKAMBI: ETI MUUMIN AMWAJIRI CHOCKY!? NJOZI ZA MWAKA 47, KWA UWEZO UPI? KWA BENDI IPI?

on

Mpapasa kinanda wa African Stars “Twanga
Pepeta” Victor Nkambi (pichani juu) amemtaka mwimbaji Mwinjuma Muumin aache
kuota ndoto za mwaka 47.
Victor ameyasema hayo baada ya Muumin
kuwaponda baadhi ya wanamuziki wa Twanga kwa kusema wana roho mbaya na
wanamnyanyasa Ally Chocky na hivyo yuko tayari kumwajiri Chocky kwenye bendi
yake ya Double M Plus.
Akiongea na Saluti5 Jumamosi usiku Victor
akasema: “Mwambie swahiba wako aache kuota ndoto za mwaka 47. Hivi Muumin
anaweza kumwajiri Chocky? Kwa bendi ipi na kwa uwezo upi?
“Muumin ana mfano wa bendi tu, hakuna bendi pale, hana uwezo wa
kumwajiri Chocky na hata kiuwezo wa kimuziki hamfikii Chocky. Mwambie apunguze
kusema sema ovyo, watu watamdharau”.
Wakati Victor akisema Muumin hafikii uwezo
wa Chocky, tayari limeandaliwa onyesho litakalo wapambanisha Muumin, Chocky na
Nyoshi Mei 19 ndani ya Escape One, Mikocheni jijini Dar es Salaam.

Comments

comments

About Saluti 5

Recommended for you

Leave a Reply

Your email address will not be published. Required fields are marked *