Habari

YANGA YAIPIGA BAO SIMBA SC UDHAMINI WA SPORTPESA

on

YANGA wanaonekana kuwa na akili
sana. Tayari wameshasaini mkataba wa udhamini na kampuni ya Sportpesa na
wakaipiga bao haraka Simba kwa kupata mabilioni zaidi ya wekundu hao.
Taarifa kutoka ndani ya yanga
ni kwamba Yanga imesaini mkataba huo mnono utakaotangazwa kesho Jumanne makao makuu
ya klabu hiyo, ni kwamba yanga itavuna kiasi cha sh. mil 950 kwa mwaka, kiasi
ambacho ni kikubwa kidogo kulingana na kile cha Simba.
Katika mkataba wa Simba, klabu
hiyo inaonyesha itachukua kiasi cha sh. mil 880 kwa mwaka mmoja na kufanya kwa
miaka mitano, Simba itavuna kiasi cha sh. bil 4.
Yanga mbali na hilo, pia
itajiwahia mamilioni zaidi mapema mara baada ya kuchukua ubingwa wa Ligi Kuu
bara ambapo itachukua kiasi cha sh. mil 100 ikiwa ni zawadi baada ya kuwa
bingwa ikiwapiga bao Simba.
“Unajua sisi tuna tofauti kubwa
na Simba, wao wamesaini mkataba ambao watachukua sh. mil 880 kwa mwaka, lakini
Yanga tutachukua zaidi ya hapo kwa mwaka. Tutachukua kiasi cha sh. mil 950,”
kilisema chanzo kimoja.

“Tulilazimika kukomaa na hawa
jamaa kwa kuwa sisi Yanga tuna timu tofauti, kwanza ukiangalia hawa wenzetu
hawajashiriki mashindano ya kimataifa kwa muda mrefu lakini rekodi yetu Yanga
ni nzuri katika eneo hilo.”

Comments

comments

About Saluti 5

Recommended for you

Leave a Reply

Your email address will not be published. Required fields are marked *