HAMIS KIIZA AWAPA YANGA KIUNGO KUTOKA UGANDA

YANGA iko katika mazungumzo mengine na kiungo mmoja raia wa Uganda, Tony Maweje lakini kumbe usajili huo unafanyika kwa ushauri wa aliyekuwa mshambuliaji wao, Hamis Kiiza “Diego” aliyewapa sifa za mchezaji huyo.

Taarifa kutoka ndani ya Yanga ni kwamba Kiiza amewavuta Yanga na kuwaambia kuwa Maweje ndio mtu sahihi kwao na kwamba endapo watampata watakuwa wamelamba dume kutokana na kazi yake.

Maweje mwenye uwezo wa kucheza nafasi tatu uwanjani anajulikana kwa uwezo wake mkubwa katika kufanya majukumu ya kiungo mkabaji na hatari mchezeshaji akiwa na uwezo mkubwa pia katika kupiga mashuti makali na kufunga.

Mabosi wa Yanga wako katika hatua za mwisho kutokana na taarifa za kukubali kila kitu katika uwezo wa kiungo huyo ambaye atatua Yanga akitokea klabu ya Prottur FC.

Tayari kiungo huyo amekubali kutua Yanga ambapo kwa sasa anajipanga kwa safari ya kuja kuitumikia Yanga baada ya kukubaliana karibu kila kitu kuhusu uhamisho huo.


“Yanga tutamsajili huyo Maweje, ni kiungo mzuri sana ambaye anajua kufanya kazi yake vyema, tumepewa ushauri huo na Kiiza lakini hata tulivyomfuatilia pia tumemkubali, kiukweli anajua kufanya kazi,” alisema bosi huyo.

No comments