Habari

MKWASA: YANGA YA MSIMU HUU HATUTAKURUPUKA KWENYE USAJILI WA WACHEZAJI

on

KLABU ya Yanga imebainisha
kwamba msimu huu haitafanya usajili kwa mhemko au kwa shinikizo bali itasajili
kwa kutumia akili kwa kuzingatia mahitaji halisi ya kikosi hicho.
Aidha katika usajili huo, Yanga
itazingatia zaidi maoni na ushauri wa benchi la ufundi na si vinginevyo.
Kauli hiyo ni ya katibu mkuu wa
Yanga, Charles Boniface Mkwasa ambaye ameamua kutolea ufafanuzi huo baada ya
kuzagaa taarifa nyingi zisizo na mashiko kwenye vyombo mbalimbali vya habari.
“Ninachoweza kusema ni kwamba
usajili wa safari hii sio wa kukurupuka, tunajipanga na tunazingatia zaidi
maoni na ushauri wa wataalamu wa benchi la ufundi maana wao ndio wanajua wanahitaji
aina gani ya wachezaji,” amesema Mkwasa.
Aidha, Mkwasa amesema Yanga ina
maeneo madogo tu ya kubadilisha na haihitaji kubadilisha timu nzima kama
zinavyofanya timu nyingine.

Pamoja na hayo, Mkwasa amesema
tayari wameshamalizana na wachezaji watatu wapya lakini kwa sasa wataendelea
kufanya siri.

Comments

comments

About Saluti 5

Recommended for you

Leave a Reply

Your email address will not be published. Required fields are marked *