Habari

SAMATTA ASEMA UDOGO WA UWANJA WA AZAM COMPLEX UMEWAKOSESHA USHINDI DHIDI YA LOSOTHO

on

MSHAMBULIAJI wa timu ya taifa
“Taifa Stars”, Mbwana Samatta amesema kwamba udogo wa uwanja wa Azam Complex,
Chamazi Dar es Salaam ndio uliowakosesha ushindi dhidi ya Lesotho Jumamosi
iliyopita.
Mbwana ambaye anacheza soka la kulipwa
Ubelgiji akiwa nahodha wa Stars aliongoza timu hiyo kupata sare ya kufungana
bao 1-1 katika mchezo wa ufunguzi wa Kundi L kufuzu fainali za Kombe la Mataifa
ya Afrika.
Stras inayofundishwa na kocha
Salum Mayanga, ilitangulia kwa bao la Samatta dakika ya 27 kwa shuti zuri la
mpira wa adhabu ndogo kabla ya Lesotho kusawazisha kupitia kwa Thapelo Tale
dakika ya 34.
Na baada ya mchezo, Samata
akasema: “Uwanja wa Azam Complex ni mdogo sana kitu ambacho kwa upande wetu wengi
tumezoea kucheza uwanja mkubwa wa taifa, imetufanya tujibane, tumeshindwa
kucheza kwa uwezo wetu mechi ya leo, yaani ukipewa mpira ukigeuka uwanja
umekwisha,” alisema.
Samatta pia akalaani staili ya
ukabaji ya mabeki ya Lesotho akisema walikuwa wakimfuata watatu kwa wakati
mmoja hadi kuna wakati akajikuta anakasirika.

Nimekasirishwa na kitendo cha
kutoka sare na Lesotho, sijafurahishwa kabisa hasa ukiangalia tumecheza
nyumbani na haikuwa akilini mwangu kama matokeo yangekuwa hivyo, lakini ndio
imekuwa hivyo. Tunawaahidi Watanzania tutafanya vizuri katika mechi zijazo.”

Comments

comments

About Saluti 5

Recommended for you

Leave a Reply

Your email address will not be published. Required fields are marked *