Habari

SIMBA KUMTANGAZA NIYONZIMA KWENYE SHEREHE ZA “SIMBA DAY”

on

UONGOZI wa klabu ya soka ya
Simba umeahidi kutangaza rasmi usajili wa kiungo mshambuliaji Mrwanda, Haruna
Niyonzima baada ya mchezaji huyo kumaliza mkataba wake wa kuchezea Yanga.
Niyonzima ambaye mkataba wake
na Yanga unamalizika Julai, mwaka huu anajiunga kujiunga Simba kwa kitita cha
dola 80,000 za Kimarekani, sawa na mil 179 na kukubali kusaini mkataba wa miaka
miwili baada ya kushindwana na Yanga ambao wanadaiwa walitaka kumpa kiasi cha
dola mil 60,000, sawa na sh. mil 134 za Kitanzania.
Niyonzima ambaye ni kipenzi cha
wana Yanga inadaiwa anatarajiwa kutambulishwa rasmi na timu yake mpya katika
sherehe za Simba Day Agosti, mwaka huu.
Akiongea na saluti5, mwenyekiti
wa kamati ya usajili, Zacharia Hans Poppe alisema klabu hiyo haitavunja sheria
na utaratibu wa kutangaza usajili wa mchezaji huyo ambae bado ana mkataba na
klabu yake.
“Wachezaji wengi bado wana
mikataba, mnataka tuwatangaze usajili wao ili tuingie kwenye matatizo, tusubiri
tu muda ukifika tutamtangaza huyo mnaemtaka.”
“Mashabiki wafikirie
wanachotaka kufikiria ila Simba hatuwezi kumtangaza mchezaji ambaye yuko kwenye
mkataba,” alisema Poppe.
Baada ya Simba kudaiwa
kukamilisha usajili wa Niyonzima, kiungo huyo atapewa jezi namba 8 ambayo
ilikuwa ikivaliwa ikivaliwa na Mwinyi Kazimoto.
Haruna kwa hivi sasa yuko
mapumzikoni kwao nchini Yanga ambako amefunga mdomo kwa kutozungumza na chombo
chochote cha habari ingawa tetesi ni kwamba atajiunga na wekundu wa Msimbazi.

Hivi karibuni aliliambia gazeti
la Rwanda Time wakati akiwa na timu ya taifa kuwa, anaangalia kwenda kwenye
changamoto mpya baada ya kukaa Yanga kwa miaka sita.

Comments

comments

About Saluti 5

Recommended for you

Leave a Reply

Your email address will not be published. Required fields are marked *