Habari

SSERUNKUMA APATA DILI NCHINI MOROCCO… ni katika klabu ya Ittihad Riadi Tanger ya Ligi Kuu

on

MSHAMBULIAJI wa zamani wa
Simba, Mganda Dan Sserunkuma amepata dili la maana nchini Morocco baada ya
kusajiliwa na klabu ya Ittihad Riadi Tanger inayoshiriki Ligi Kuu nchini humo.
Kupitia mtandao wake wa kijamii
wa Twitter Sserunkuma alithibitisha kuingia mkataba na klabu hiyo ambapo
aliwashukuru wachezaji wenzake wa Bandari FC nchini Kenya aliyokuwa akiichezea
pamoja na familia yake.
Sserunkuma alisajiliwa na Simba
kipindi cha usajili wa dirisha dogo la msimu wa 2014/15 akitokea Gor Mahia ya
nchini Kenya lakini alijikuta akifungashiwa virago kutokana na kutoridhi
matarajio ya wekundu hao.
Katika mtandao wake huo wa
Twitter, sserunkuma ambaye ni raia wa Uganda aliandika: “Ni rasmi sasa kwamba
mimi ni mchezaji wa Ittihadi Riad Tanger. Namshukuru sana Mungu kwa hilo,
naishukuru familia yangu, wakala wangu na mashabiki wangu wote, nawashukuru pia
wachezaji wenzangu wa Bandari FC kwa upendo wao kwangu.”

Sserunkuma aliifungia Simba
mabao mawili pekee kwenye Ligi Kuu bara kabla ya kutimliwa.

Comments

comments

About Saluti 5

Recommended for you

Leave a Reply

Your email address will not be published. Required fields are marked *