Habari

VICTORIA SOUND WAREJEA SCORPION, MASEBUKA MBAGALA

on

BAADA ya kufanya makubwa kwenye
shoo zake za Eid el Fitr ndani ya Rosh Garden, Mwandege, Pwani, bendi ya Victoria
Sound ‘Wana Chukuchuku Style’ imetangaza kuendelea na shoo zake za kawaida
kuanzia kesho Ijumaa.
Kiongozi wa Victoria Sound,
Jonas Mnembuka amesema kuwa, bendi yake itatumbuiza kwenye ukumbi wa Scorpion
Night Pub, Mbagala Charambe na keshokutwa Jumamosi watakuwa ndani ya Masebuka
Bar, Mbagala Kizuiani.
“Tumerejea kwenye ratiba zetu
za kawaida hivi sasa baada ya kumalizika kwa mfungo mtukufu wa Ramadhani na tunaomba
mashabiki kutusapoti kwa kujitokeza kwa wingi kila tutakapotumbuiza,” amesema
Jonas.
Jonas amesema kuwa kikosi chake
kimejipanga kikamilifu kuhakikisha kinamwaga burudani ya kukata na shoka kwa
mashabiki watakaohudhuria shoo zao hizo na kwamba watapokea maombi mbalimbali
ya nyimbo na kuyafanyia kazi.

Amewaomba mashabiki kujitokeza
kwa wingi kwani mbali na nyimbo za kukopi, pia watatambulisha vibao vyao vipya
ambavyo ni maandalizi ya albamu yao ijayo anayoisifu kwa kusema itakuwa moto wa
kuoteambali.

Comments

comments

About Saluti 5

Recommended for you

Leave a Reply

Your email address will not be published. Required fields are marked *