YANGA - TUMEPAMBANA KIUME KUMNASA KIPA YOUTHE LOSTAND

YANGA imepambana kiume kujihakikishia kumnasa kipa Youthe Lostand aliyetakiwa na kocha wao, George Lwandamina, baada ya kuingia makubaliano maalum ya kusaini mkataba wa miaka miwili.

Taarifa kutoka ndani ya Yanga ni kwamba jana mchana Lostand alikamilisha makubaliano ya kuingia mkataba na Yanga baada ya majadiliano yaliyochukua wiki mbili.

Bosi mmoja wa Yanga alisema, makubaliano hayo ya Lostand na Yanga yalifanyika chini ya usimamizi wa Katibu mkuu wa timu hiyo, Charles Boniface Mkwasa.

Kigogo huyo alisema Lostand, raia wa Cameroon hatua ya kukamilisha makubaliano hayo ni uhakika kwamba Yanga imezipiga bao klabu za Azam na Simba ambazo awali zilikuwa zikimvizia kipa huyo mgumu kufungika.

“Tulikuwa na majadiliano nae Lostand lakini leo (juzi), tukaingia nae makubaliano ya awali kwa kusaini mkataba wa awali ili tuwe na uhakika wa dili hili,” alisema bosi huyo.


“Unajua Lostand tulitakiwa kupambana nae kwa udi na uvumba kutokana na kwamba yalikuwa ni mapendekezo ya benchi la ufundi ili aje kupambania namba na makipa waliopo, Deogratias Munishi “Dida” na Benno Kakolanya.

No comments