Habari

ASHA BARAKA ASEMA KWENYE MSAFARA WA MAMBA, KENGE NAO WAMO …asema wasaliti hawatavuliwa Twanga Pepeta

on

Mkurugenzi wa bendi ya The African
Stars “Twanga Pepeta”, Asha Baraka amesema wasanii wa bendi yake walioshiriki
onyesho la jana Friends Corner Manzese, wanalo wanalolitafuta.
Akiongea na Saluti5 kwa njia ya
simu leo mchana akiwa safarini kuelekea Kigoma, Asha Baraka amesema kuwa katika
wasanii hao wako waliokubuhu kwa uhujumu wa bendi na wako wanaofuata mkumbo.
“Kwenye msafara wa mamba, kenge
nao wamo,” alisema Asha Baraka.
Mkurugenzi huyo wa Twanga Pepeta
amesema, kwa sasa yupo safarini na hawezi kuongea lolote hadi atakaporejea na
kukaa na uongozi wa bendi kabla ya kuchukua hatua stahiki.
“Kwa vyovyote vile ni lazima
tuchukue hatua, lakini kwa sasa siwezi kusema lolote zaidi ya kusema kuwa kila
jambo lina mwisho wake, kama hata binadamu anazaliwa na kufa, basi hata usaliti
pia una mwisho wake,” alieleza kwa uchungu Asha Baraka.
Asha Baraka akafafanua zaidi juu
ya usaliti huo wa wasanii wake: “Onyesho la kwanza wiki iliyopita lilifanyika
kienyeji, matangazo yakaanza bila mimi kujulishwa chochote, yaani mimi mwenye
bendi nakutana na vipeperushi vinavyohusisha bendi yangu bila idhini yangu wala
ya meneja. Kwa shingo upande sana nikakubali wasanii wangu wakashiriki.”
“Baada ya onyesho hilo akanifuata
Thabit Abdul na kutaka kufanya onyesho lingine Jumanne inayokuja (jana) la
bendi yake ya Wakali Wao na Twanga kwa vile kuna pesa wanawadai wanamuziki wa
Twanga Pepeta kufuatia makubaliano yao ya onyesho la kwanza.
“Nilimkatalia na kumwambia achague
Jumamosi yoyote akafanye show Mango Garden, Kinondoni kwa ajili ya kumalizia
vimeo vyao. Nikawaambia pia kama wanataka kufanya onyesho la Jumanne basi iwe
kila Jumanne ya mwisho wa mwezi na sio kila wiki.”
“Lakini yeye na wasanii wangu bado
wakakiuka maagizo yangu na kuitumia Twanga Pepeta kinyemela kwa madai ya kuwa
hawajatumia jina bendi. Hii haikubaliki.”
“Tuliamua kuachana na show za
Jumanne ili wasanii wapumzike na kupata wasaa wa kutengeneza tungo mpya, huwezi
kuwa na wasanii wanaofanya kazi Jumanne hadi Jumapili, hakutakuwa na ufanisi.
“Wanasema wanafanya show Jumanne
kwa aliji ya kuondoa njaa, hivi njaa inaondoka kwa show moja ya kugawana elfu
ishirini ishiri?”
Asha Baraka amesema anawapongeza
wale ambao hawakushiriki onyesho hilo na anawasikitikia wale wasanii fuata
mkumbo ambao hawajui kuwa kila mmoja aliingia Twanga kwa staili yake na kwa
makubaliano tofauti.
“Nimesoma kwamba wametangaza
wataendelea kufanya hivyo kila Jumanne, nawatakia kila la kheri lakini nawataka
wajue kuwa kwangu mimi kuanza moja huwa si tatizo. Hatutakuwa na muda wa
kuvumiliana wala kubembelezana,” aliongeza Asha Baraka.

Comments

comments

About Saluti 5

Recommended for you

Leave a Reply

Your email address will not be published. Required fields are marked *