Habari

AUBAMEYANGA AZIINGIZA VITANI LIVERPOOL NA CHELSEA

on

MIAMBA miwili katika soka
nchini Uingereza, klabu za Liverpool na Chelsea zimeingia katika vita nzito ya
kumwania mpachika mabao mahiri wa klabu ya Borussia Dortmund ya Ujerumani,
Pierre Emerick – Aubameyang.
Taarifa za mitandao mikubwa ya
michezo zimeandika leo na jana kuwa usajili wa mwanandinga huyo unaweza
kuzitesa zaidi timu hizo kama ataamua kwenda kwingineko.
Gazeti la The Sun limeandika
kwamba Liverpool na Chelsea wanataka kumsajili mshambuliaji huyo mwenye umri wa
miaka 28 ambaye thamani yake ni pauni mil 65.
Hata hivyo, klabu yake imeamua
kumwachia mchezaji huyo atamke mwenyewe anataka kwenda wapi kati ya klabu hizo
mbili kubwa.
“Dortmund wamemwambia
Aubameyang kuamua anataka kwenda wapi kabla ya klabu hiyo haijaingia kambini
nchini Uswisi Julai 24,” limeandika gazeti hilo.
“Tunajua kwamba vita ya
kumwania mchezaji huyo ni kubwa na tunajua kwamba kila timu inaweza kufika bei
tunayoitaka kutokana na ubora wake, sasa tumemwambia achague wapi anataka,”
mmoja wa viongozi wa klabu hiyo amekaririwa na gazeti hilo akisema.
Hata hivyo, kuna uwezekano
mkubwa Liverpool ikashinda vita hiyo kwa sababu ya uhusiano wa kocha wa sasa wa
Liverpool Mjerumani Jurgen Klopp ambaye alikuwa kocha wa zamani wa Dortmund.

Comments

comments

About Saluti 5

Recommended for you

Leave a Reply

Your email address will not be published. Required fields are marked *