Habari

BARCELONA YAKANUSHA TETESI ZA NEYMAR KUDAIWA KUTOKUWA NA FURAHA KIKOSINI

on

KLABU ya Barcelona imekanusha
vikali taarifa za kwamba, straika wao, Neymar hana furaha ndani ya kikosi
hicho, hivyo ana mpango wa kuondoka.
Kutokana na taarifa hizo
zimeibuka tetesi kuwa nyota huyo raia wa Brazil ana mpango wa kutua ama kwenye Ligi
ya Premier au kutimkia katika mikikimikiki ya Bundesliga.
Hii inatokana na tukio lake la
kutaka kuzipiga na Nelson Semedo katika uwanja wa mazoezi na hatua hii
inakoleza tetesi la kama shinikizo la kutaka kuondoka na kuhusishwa kutaka
kutua katika klabu ya PSG waliotangaza dau nono.
Tayari klabu ya PSG, Manchester
City, Bayern Munich na Chelsea zinatajwa katika mbio za kumnasa straika huyo
kwa dau linaloelezwa kuvunja rekodi.
Lakini, taarifa za ndani ya
Barca zinasema kuwa, klabu hiyo imemweka Mbrazil huyo katika orodha ya
wachezaji waliona mkataba wa miaka mingi hivyo haweza kuuzwa ama kwenda katika
timu yoyote.
Rais klabu ya Barcelona, Josep
Maria Bartomeu ameviambia vyombo vya habari kwamba taarifa hizo ni zakupuuzwa
kwasababu Neymar ana mkataba wa milele na klabu yao.
Bartomue amethibitisha kuwa,
Neymar tayari ameongeza mkataba mrefu na mazungumzo binafsi baina yao ni kwamba
nyota huyo atasalia Barca kwa kipindi kirefu, licha ya tukio lake la hivi
karibuni kutaka kuzipiga na mwanandinga mwenzake.
“Neymar ana miaka yote anayotaka
kuwa nayo na Barcelona. Ni kati ya wachezaji bora zaidi katika historia ya
klabu ya Barcelona,” alisema Bartomue .
“Tuna furaha sana kwa klabu,
ni muhimu sana kwa mashabiki, ni muhimu sana kwa mpira wenyewe.”
“Ukomo utaamuliwa na yeye, kwa
sasa ana kipaji na malengo makubwa, yapo katika umbo zuri kuendelea kung’aa kwa
miaka mingi ijayo,” Bartomue ameviambia vyombo vya
habari vya nchini Hispania.

Comments

comments

About Saluti 5

Recommended for you

Leave a Reply

Your email address will not be published. Required fields are marked *