Habari

EVERTON YATHIBITISHA MAJERUHI ROSS BARKLEY ATAKUWA NJE KWA WIKI KADHAA

on

KLABU ya Everton imekiri
taarifa za kwamba Ross Barkley kwa sasa ni majeruhi na atakuwa nje kwa majuma
kadhaa, hivyo hatakuwepo katika mechi za mwanzoni mwa msimu huu.
Msimu wa Ligi Kuu England unatarajiwa
kuanza katikati ya mwezi Agosti na kiungo huyo amethibitika kuwa atalazimika
kuwa nje ya dimba kwa majuma manne.
Tovuti ya klabu ya Everton
imeripoti taarifa ya kwamba kiungo huyo amefanyiwa upasuaji wa sehemu ya
kifundo cha mguu, hivyo anahitaji mapumziko ya mwezi mzima.
Kutokana na upasuaji huyo,
Barkley mwenye umri wa miaka 23 ameshindwa kuambatana na timu katika ziara ya mechi
za kujipima uwezo na kabla ya kuanza kwa Ligi zilizofanywa katika nchi za
Tanzania na Netherlands.
“Upasuaji ulifanyika vyema na
unaendelea kupona vizuri na anatarajia kuanza mazoezi mwishoni mwa juma la tatu
kabla ya kuwa fiti kuwemo kikosini,” ilieleza sehemu ya taarifa ya klabu hiyo
iliyotolewa Jumatano iliyopita.
Barkley ambaye ni tegemeo la kikosi
cha Goodison, hata hivyo bado hajaketi na uongozi kwa ajili ya kuamua
mustakabali wa kandarasi yake iliyofikia ukingoni mwishoni mwa msimu huu.

Everton wanatarajia kuanza Ligi
kwa mchezo wao wa kwanza kwa kuumana na Stoke City, mechi itakayopigwa Jumamosi
Agosti 12, mwaka huu.

Comments

comments

About Saluti 5

Recommended for you

Leave a Reply

Your email address will not be published. Required fields are marked *