KWA kile ambacho unaweza kusema ni kama amejiliwaza, kocha wa timu ya taifa ya Ureno, Fernando Santos amesema kuwa licha ya timu yake kufungwa na Chile katika mechi ya nusu fainali ya michuano ya Kombe la mabara, lakini wao bado ni mashujaa kutokana na ushindi wa fainali za mataifa ya Ulaya “Euro 2016”.

Katika mchezo huo wa katikati ya wiki uliopigwa mjini Karzan, wachezaji wake watatu Ricardo, Quaresma na Joao Moutinho mipira yao iliokolewa na mlinda mlango wa Chile, Claudio Bravo na huku mastaa Alturo Vidal, Charles Aranguiz na Alexis Sanchez wakikwamisha mipira ya kimiani na kuipa ushindi Chile ikiwa ni baada ya miamba hiyo kushindwa kufungana.

Hata hivyo, pamoja na mastaa wake hao kushindwa kufunga, Santos anaonya wasilaumiwe kwa kile anachodai walikuwa ni miongoni mwa wafungaji walioipa ushindi Ureno wakati ikiifunga Poland katika mechi ya robo fainali na hivyo kutengeneza mazingira yaliyowafanya waibuke mabingwa wa fainali hizo za Euro 2016.

“Kwa kushindwa kumtungua mlinda mlango yalikuwa ni maajabu lakini wachezaji wote watatu walikuwa ndio mashujaa kwa kuifunga Poland katika mechi ya robo fainali ya Euro 2016,” alisema Santos.

“Na mara zote huwa wakiingia kifua mbele wachezaji wangu kwani mimi ndie huchukua uamuzi wa kuwachagua,” aliongeza kocha huyo.


Mwaka jana Cristiano Ronaldo ndie aliyepiga penati ya kwanza ya mechi hiyo iliyopigwa nchini Marseille, lakini safari hii hakunyanyua mguu wake, licha ya kushuhudia wenzake wawili wakikosa za kwanza.
USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac