Habari

HANS POPPE, MO DEWJI WAKAMATA USUKANI MWENDELEZO WA USAJILI SIMBA

on

SIMBA wapo kamili gado! ndivyo
ambavyo ukiulizwa na mtu yeyote unaweza kusema.
Hawana wasiwasi wametulia na
wanaendelea na mipango yao ya kusuka kikosi cha ushindi kwa ajili ya Ligi Kuu
msimu ujao na michuano ya kimataifa.
Baada ya viongozi wake wakuu
rais Evan Eveva na makamu wake Geofrey Nyange “Kaburu” kushikiliwa na vyombo
vya dola kutokana na kesi inayowakabili katika mahakama ya Kisutu, Simba
wamejipanga na kupanga safu nzima ya mapambano wakati kesi dhidi ya Eveva ikiendelea.
Jumamosi Kamati ya Utendaji ya
klabu hiyo ilikaa na kuamua mambo mbalimbali ikiwa ni pamoja na namna ya uendeshaji
wa klabu hiyo kubwa hapa nchini kwa mwaka huu.
Hata hivyo hata kabla ya
kufanyika kwa kikao hicho baadhi ya viongozi walishagawana majukumu katika
kuhakikisha kuwa Simba inasonga mbele.
Wanaoongoza mapambano hayo ni
pamoja na mwenyekiti wa kamati ya usajili ya klabu hiyo, Zakaria Hans Poppe
pamoja na mfadhili wa timu, Mohamed Dewji “MO” ambao ndio wanaoendeleza usajili
ili kusuka kikosi kipya cha Simba. 
Licha ya vigogo hao wawili pia
ndani ya jahazi hilo yumo mmoja wa wajumbe wa kamati ya utendaji Musleh Al
Rawah.
“Watatu hao ndio wamepewa
dhamana ya kushusha vifaa vipya lakini pia kuna watu wengine wamekuwa msaada
kwa Simba katika kipindi hiki,” amesema mtoa habari hizi.

“Watu wamekuwa na wasiwasi
kuhusu viongozi wa Simba, nawahakikishia kuwa Simba ndio imekuwa imara. Unaju
wakati wa matatizo watu wanasahau mpaka tofauti zao na kuwa kitu kimoja,”
amesema.

Comments

comments

About Saluti 5

Recommended for you

Leave a Reply

Your email address will not be published. Required fields are marked *