Habari

JUMA LUZIO MBIIONI KUBAKI MSIMBAZI MSIMU UJAO

on

SIMBA inakaribia kumalizana
tena na straika wa klabu ya Zesco United,  Juma Luzio ambaye aliitumikia katika Ligi Kuu msimu uliopita.
Habari za uhakika zinasema
kwamba Simba wako katika mazungumzo na Luzio ili abaki Msimbazi kwa msimu
mwingine kama hataki kurejea Zambia kuitumikia tena Zesco.
Luzio hajaongozana na wachezaji
wengine wa Simba walioko katika kambi ya mazeozi nchini Afrika Kusaini ili
kumalizana kwa mazungumzo na hasa ikizingatiwa kuwa mkataba ambao umemfanya
acheze Simba umemalizika.
Hata hivyo habari zinasema
kwamba tangu katikati ya wiki kumekuwa na mazungumzo kati ya pande zote na klabu hiyo ya
Zambia iko tayari kuendelea kumwachia Luzio abaki Simba kwa miezi sita zaidi.
Simba walioondoka mwanzoni mwa
wiki kwenda nchini huko na watakaa kwa siku 14 kabla hawajarejea nchini kwa
ajili ya tamasha la Simba Day Agosti 8.
Akizungumza jijini Dar es
Salaam, Luzio alisema mkataba wake wa mkopo ulishamalizika hivyo isingekuwa
vyema kuondoka wakati wapo kwenye mazungumzo na viongozi wa Simba.
“Bado tupo kwenye mazungumzo na
viongozi wa Simba kwa ajili ya kuingia mkataba mpya na tupo kwenye hatua za mwisho
hivyo isingekuwa vizuri niondoke kabla ya kukamilisha jambo hili muhimu.”

“Mungu akijalia basi msimu ujao
nitakuwa hapa Simba, litakuwa jambo zuri kwa vile sasa nimezoeana na wenzangu,
utakuwa wakati wa kuisaidia timu kufanya vizuri,” alisema Luzio ambaye hakuwa
tayari kusema lini atasaini mkataba.

Comments

comments

About Saluti 5

Recommended for you

Leave a Reply

Your email address will not be published. Required fields are marked *