JUUKO MURSHID HUYOO AFRIKA KUSINI

BEKI wa kati wa timu ya taifa ya Uganda “The Cranes”, Juuko Murshid anaweza kujiunga na miamba ya soka nchini Afrika Kusini, klabu ya Orlando Pirates.

Mtandao wa habari za michezo nchini Uganda wa Kawowo Sports umeandika kwamba una habari za kuaminika kwamba Juuko anakwenda kujiunga na watemi hao wa soka barani Afrika wakati wowote.  

Mtandao huo umeandika kwamba beki huyo mwenye umri wa miaka 23 anaweza kuondoka mwishoni mwa wiki hii kwenda “Bondeni” kwani alishaonyesha nia ya kuondoka Simba tangu msimu uliopita.


Imedaiwa kuwa safari ya Juuko ilichelewa kutokana na matatizo ya Visa lakini sasa mlinzi huyo wa zamani wa klabu za Bunamwaya na SC Victoria mamo yake ni kama yameiva.

No comments