Habari

KOCHA GEORGE LWANDAMINA ASEMA ANATAKA KUSUKA YANGA MPYA

on

KOCHA wa Yanga, George
Lwandamina ametua rasmi tayari kwa kuendelea na majukumu yake, lakini akatamka
kwamba sasa amekuja kuisuka timu hiyo huku akisema usajili unaoendelea umemkosha.
Akiongea na saluti5, Lwandamina
alisema, katika miezi sita yake ya awali ndani ya Yanga ni kama hakufanya kazi
ambapo jukumu zaidi la kuitengeneza Yanga anayoitaka inaanza sasa.  
Lwandamina alisema, kwa sasa
analijua soka la Tanzania ambapo anataka kutengeneza Yanga itakayokuwa ngumu
kufungika lakini ikawa na wepesi wa kufunga mabao mengi, kazi ambayo haiwezi
kumpa shida.
Kocha huyo raia wa Zambia
alisema, amekutana na kamati ya usajili ambapo hadi sasa ameridhika karibu na
wachezaji wote waliosajiliwa akitaka waendelee na jukumu hilo kukamilisha
wachezaji anaowataka waliosalia.
“Nilikuja hapa miezi sita kabla
ya Ligi kumalizika. Nimejifunza mengi na sasa nimerudi kuutumikia mkataba
wangu. Nataka kusuka Yanga ngumu kwa sasa ambayo itakuwa ni burudani kubwa kwa
Wanayanga,” alisema Lwandamina.

“Nimeona usajili unaofanyika,
naweza kusema kila kitu kinaenda sawa. Nimeridhika mpaka sasa kupatikana
wachezaji niliotaka niwakute, ingawa bado kazi inaendelea.”

Comments

comments

About Saluti 5

Recommended for you

Leave a Reply

Your email address will not be published. Required fields are marked *