BEKI kisiki wa klabu ya Yanga, Kelvin Yondani, amerejeshwa kikosini haraka na kocha Geogre Lwandamina ambaye ameanza kukisuka upya kikosi hicho kabla ya kufunguliwa kwa msimu mpya wa Ligi.

Yondani ndio kwanza ametoka kwenye fungate baada ya kufunga ndoa na mkewe lakini amelazimika kukatisha mapunziko yake kwasababu ya kuwahi program za kocha.

“Yondani tayari ameripoti baada ya kumaliza shughuli zake za harusi na tumempokea tukiamini anajifua ili kupigania namba kwenye kikosi cha kwanza msimu ujao,” amesema Lwandamina.

Lwandamina amesema, amemkaribisha beki huyo na kumwambia anatakiwa kusahau raha za nyumbani na kuhamishia mawazo yake uwanjani ili kuisaidia Yanga iweze kufanya vizuri.

Amesema anafahamu kuwa Yondani ni beki mzuri mwenye uwezo mkubwa na alikuwa na mchango mkubwa kwenye ubingwa wa msimu uliopita hivyo bado ana imani naye kuwa anaweza kufanya vizuri na kuisaidia timu hiyo kufikia malengo.


Yondani ametimiza msimu wa nne tangu atue Yanga akitokea Simba na ameweza kuipa mafanikio makubwa timu hiyo ikiwemo mataji matatu ya Ligi ya Vodacom na Kombe la FA.
USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac