Habari

LEICESTER CITY YAPIGANIA KUMBAKIZA VARDY KIKOSINI

on

KLABU ya Leicester City inapambana
kiume kwa ajili ya kutaka kumbakiza straika wake mahiri Jamie Vardy ambaye kwa
sasa anawaniwa na timu mbalimbali barani Ulaya.
Taarifa za ndani ya mabingwa
hao wa msimu wa mwaka 2016/17 zinasema kuwa uongozi umeketi na Vardy kwa ajili
ya kumuongezea mkataba mpya.
Hata hivyo, Vardy mwenyewe bado
hajaamua kama anaweza kubaki katika viunga vya “mbweha” hao wa jiji la
Leicester. Awali, Vardy alikuwa anaendelea na mazungumzo na bosi wa Leicester
City wakati huu ambapo tetesi za usajili zinamuhusisha kujiunga na ama PSG au
Juventus.
Akizungumzia kandarasi hiyo
mpya, Vardy alisema kwa sasa suala lililo mbele yake sio idadi ya miaka ya
kubaki katika klabu hiyo bali ni kukamilika kwa ndoto za kutaka kumbakiza.
Bosi wa “The Fox”, Craig
Shakespeare amenukuliwa akisema anamweka Vardy katika malengo yake ya muda
mrefu licha ya kutakiwa na timu kadhaa za Ulaya.
“Ninapambana kikamilifu
kumbakiza kikosini JamieVardy licha ya ukweli kuwa anatakiwa na klabu nyingi
Ulaya.”

“Ni mchezaji muhimu wa kuwa nae
ndani ya mkataba mrefu, ninaamini nitafanikiwa ila kuna kazi ya ziada ya
kumshawishi,” alisema Shakespeare.

Comments

comments

About Saluti 5

Recommended for you

Leave a Reply

Your email address will not be published. Required fields are marked *