Habari

LIVERPOOL YAPIGA KAMBI YA NGUVU UJERUMANI

on

KIKOSI cha Liverpool
kimekamilika katika maandalizi ya Ligi Kuu England na ile ya mabingwa Ulaya
msimu ujao ambapo wekundu hao wameingia nchini Ujerumani kupiga kambi ya nguvu.
Meneja wa kikosi hicho, Jurgen
Klopp amesema kwamba sasa kikosi chake ni kama kimekamilika baada ya kurejea
kwa washambuliaji Sadio Mane na Danny Ings, lakini pia akiwa na uhakika wa
kumtumia kiungo Emre Can.
Mane na Ings wamekuwa
wakisumbuka kutokana na majeraha kwa muda mrefu, ingawaje wamekuwa na
ushirikiano mkubwa wanapokuwa pamoja dimbani, kisha wakaondoka wote kutokana na
majeruhi.
Lakini pia mtu ambaye alikuwa
anawaunganisha washambuliaji hao, Can nae alikuwa katika majeruhi na sasa wote
wako fiti kwa ziara ya Ujerumani.
Lakini pia beki mpya, Andrew
Robertson ambaye amesajiliwa kutoka Hull City kwa uhamisho wa pauni mil 8, nae
ameungana na wenzake.
Liverpool imeondoka kwenda
Ujerumani ambako itacheza mechi tatu za kirafiki dhidi ya Hertha Berlin, Bayern
Munich na ama Atletico Madrid au Napoli ambapo ERobertson ni kama amepata
kingeke cha kuanza kutokana na beki chaguo la kwanza, James Milner kusumbuliwa
na maumivu.
“Mapema tuliambiwa kwamba
tatizo la Milner sio kubwa sana lakini hiyo pia ingetegemea na kocha Jurgen
Klopp atakavyomtazama baada ya kupewa ripoti kamili na madaktari,” imesema
taarifa fupi ya Liverpool.

Nahodha Jordan Henderson nae
amesema kwamba hayuko vizuri sana kutokana na kusumbuliwa na maumivu ya goti
mara kwa mara ingawaje amesema ni kama amepona kwa asilimia kubwa ndio maana
ameanza kucheza.

Comments

comments

About Saluti 5

Recommended for you

Leave a Reply

Your email address will not be published. Required fields are marked *