Habari

MADAKTARI AFRIKA KUSINI WATHIBITISHA DONALD NGOMA YUKO FITI KWA ASILIMIA ZOTE

on

MADAKTARI nchini Afrika Kusini
wameridhishwa na afya ya Donald Ngoma hivyo kuwahakikishia Yanga SC kuwa
wanaweza kumtumia mshambuliaji huyo.

Ngoma alipewa mapumziko ya
miezi minne kuuguza goti ambapo tayari miezi hiyo imeisha huku vipimo
vikionyesha amepona kabisa.
Ngoma amerejea nchini
akitazamiwa kujiunga na kambi mapema wiki hii.
Ngoma alichelewa kujiunga na
timu hiyo baada ya madaktari kumuhitaji kwa ajili ya kumfanyia vipimo vya
mwisho kwenye goti lake.
Mzimbabwe huyo hivi karibuni
aliongeza mkataba wa miaka miwili Yanga.
Ngoma alipata majeraha hayo
msimu uliopita wa Ligi Kuu na kusababisha ashindwe kuitumikia timu yake kwa
asilimia kubwa.
Akizungumza na saluti5, bosi
mkubwa wa timu hiyo alisema mshambuliaji huyo ameutaarifu uongozi kuwa
atachelewa kutokana na kupitia Afrika Kusini alipokwenda kufanyiwa vipimo
hivyo.
Bosi huyo alisema mshambuliaji
huyo kikubwa anataka aanze Ligi Kuu akiwa fiti kwa kuhofia kujitonesha.
“Ngoma alichelewa kuanza
mazoezi ya pamoja na wenzake kutokana na kwenda Afrika Kusini katika vipimo vya
goti lililokuwa likimsumbua msimu uliopita.”
“Ngoma alianza matibabu hayo ya
goti huko Afrika Kusini tangu alipoumia kwa mara ya kwanza baada ya madaktari
wa hapa nchini kushindwa kumtibu.”
“Hivyo madaktari hao
wamemwitaji tena kwa ajili ya kumfanyia vipimo vya mwisho kabla ya kumruhusu
kuanza kucheza soka,” alisema bosi huyo.

Ngoma alikosa sehemu kubwa ya
msimu uliopita kutokana na tatizo hilo la goti.

Comments

comments

About Saluti 5

Recommended for you

Leave a Reply

Your email address will not be published. Required fields are marked *