Habari

MAJERUHI METHOD MWANJALI AREJEA KWENYE UBORA WAKE SIMBA SC

on

BEKI mahiri wa Simba raia wa
Zimbabwe, Method Mwanjali amefuta kabisa matarajio ya baadhi ya mabeki
waliokuwa wanawania nafasi yake katika Simba.
Mwanjali ambaye alikuwa atemwe
kutokana na kuwa majeruhi kwa muda, mrefu sasa amerejea kwenye ubora wake na
kocha wa Simba, Josoph omog amesema kwamba hataki kusikia habari za kutemwa kwa
Mwanjali.
Mwanjali ambaye yuko katika
kikosi cha Simba kilichoweka kambi nchini Afrika Kusini kujiandaa na msimu
mpya, ameonekana mwenye furaha na kiwango chake kimerejea kwa kasi.
Omog amesema kwamba Mwanjali ni
mchezaji muhimu na kwamba kama angeachwa kungekuwa na pengo kubwa kwenye safu
yake ya ulinzi.
Beki huyo alitoa msaada mkubwa
katika safu ya ulinzi ya Simba, hasa mechi za mwanzo wa msimu hadi alipoumia
katikati ya msimu.
“Huyu ni mchezaji ambaye
anajitambua, anacheza kwa kujiamini na wakati wote huwa msaada kwa timu na
kuyafuta makosa ya mabeki wenzake,” alisema Omog na kuongeza:
“Nashukuru kwamba kamati ya
usajili iliamua kusikiliza maoni yangu kwamba Mwanjali abaki kwenye kikosi ili
kuunganisha wenzake. Nimekuwa nikisema siku zote wakati anakosekana kwenye
kikosi kulikuwa na pengo ambalo lilionekana wazi.”
Wakati anaumia kwenye mechi za
mzunguuko wa pili wa Ligi Kuu msimu uliopita, Mwanjali aliacha kazi ya ulinzi
kwa mabeki wengine Abdi banda, Juuko Murshid na Novat Lufunga, mabeki ambao
wote wameondoka Simba. 

Banda amesajiliwa katika timu
ya Baroka FC ya Afrika Kusini, Lufunga ameachwa kwenye kikosi hicho na Juuko
anakwenda kufanya majaribio nchini Serbia.

Comments

comments

About Saluti 5

Recommended for you

Leave a Reply

Your email address will not be published. Required fields are marked *