Habari

MANCHESTER UNITED WAJIPANGA KUMNG’OA SERGE AURIER PSG

on

HAKUNA namna! Hivyo ndivyo
wanavyosema klabu ya Manchester United ambao wanalazimika kupambana kwa ajili
ya kumnasa mtu sahihi wa kucheza kama mlinzi wa upande wa kulia.
Kutokana na ukweli huu,
Mashetani Wekundu hao wamepanga kupiga hodi ndani ya klabu ya Paris Saint-Germain
na kutaka kumng’oa beki Serge Aurier.
Hatua ya United kumwania Serge
inatokana na kugonga mwamba kwa dili la kumsainisha mlinzi hodari wa Monaco,
Fabinho.
Serge ameingia katika kurunzi
la usajili la kocha Jose Mourinho ambaye anahaha kupata mlinzi wa kulia kabla
ya kufungwa kwa dirisha la majira ya kiangazi.
Awali kabla ya Serge, majina
mbalimbali yalikuwemo katika orodha ya usajili huo lakini Fabinho ndie
aliyekuwa wa kwanza kupendekezwa na Mourinho, lakini dili linadunda kutokana na
klabu ya Monaco kutaka kitita cha maana kwa ajili ya beki wao huyo.
Monaco walihitaji kitita cha
pauni mil 40 kwa ajili ya timu inayomwitaji Fabinho anayewaniwa pia na Atletico
Madrid.
Kocha wa United, Jose Mourinho
amekiri kukwama kwa dili la Fabinho na sasa anahamishia nguvu zake kwa Serge
mwenye umri wa miaka 24 sasa.
Raia huyo wa Ivory Coast
amekuwa katika kiwango ambacho Mourinho anaamini ndie mtu sahihi wa kuimarisha
kikosi cha msimu huu.

Hata hivyo, Manchester United
wameweka mezani ofa ya pauni mil 25 kwa “Mmatumbi” huyu, ingawa klabu yake ya
PSG inataka dau la pauni mil 35 kwa ajili ya kupata saini yake.

Comments

comments

About Saluti 5

Recommended for you

Leave a Reply

Your email address will not be published. Required fields are marked *