Habari

MAWAKALA AFRIKA KUSINI WAWAHAHIA AISHI MANURA, MUZAMIRU YASSIN WA STARS

on

WAKALA wa kuuza wachezaji wa
nchi ya Afrika Kusini wamevutiwa na viwango vya wachezaji wawili kutoka ndani ya
kikosi cha timu ya taifa ya Tanzania “Taifa Stars” kwa
ajili ya kuwauza barani Ulaya.
Wanandanga hao ambao nao pia ni
wachezaji wa timu ya Simba ni Muzamiru Yassin na Aishi Manura ambao wakala
wa nchini humo wanapigana vikumbo kwa ajili ya kuanza mazungumzo nao.
Kikosi cha Stars kipo nchini Afrika Kusini wakishiriki michuano ya COSAFA kama timu mwalika ambapo katikati ya wiki walikuwa wakimenyana na timu ya taifa ya Zambia katika
hatua ya nusu fainali.
Mawakala Mnabole Siwekwa na
Mhadtat Mkwanoy ambao wanafuatilia kwa karibu michuano hiyo wameweka bayana
azma ya kutaka kuwafafutia timu wanandinga hao wawili.
Taarifa zilizotufikia mwanzoni mwa juma zimesema kuwa wakala hao wamevutiwa na kiwango cha
wachezaji hao wa wekundu wa Msimbazi mara baada ya kuwaona katika mechi dhidi
ya Malawi na ile dhidi ya Bafanabafana.
Muzamiru anayemudu kucheza
katika idara kiungo ametajwa kuwa chaguo la baadhi ya klabu nyingi za daraja la
pili chini Afrika Kusini pamoja na zile za barani Ulaya.
Kutokana na kigezo hicho, mawakala hao wamesema wanahaha kutaka kuanzisha mazungumzo baina ya wachezaji
hao lakini wanabanwa kutokana na ulinzi uliopo kambini mwa Stars.
Juu ya Aishi Manula, wamakala
wamekiri kuvutiwa na uwezo alionesha wa kulinda lango la Stars na kwamba
amewekwa katika orodha ya wachezaji waliong’ara katika michuano hiyo ya COSAFA.

Harakati za mawakala hao
zimewataja pia wachezaji kama Shiza Kichuya na Abdi Banda ambao pia wameonyesha
kiwango cha kucheza soka la kulipwa nje ya mipaka ya Tanzania.

Comments

comments

About Saluti 5

Recommended for you

Leave a Reply

Your email address will not be published. Required fields are marked *