Habari

MWAKYEMBE AWATAKA TAIFA STARS KUELEKEZA NGUVU MECHI DHIDI YA RWANDA

on

WAZIRI wa Habari, Utamaduni,
Sanaa na Michezo, Dk. Harrison Mwakyembe amewataka wachezaji timu ya soka ya
taifa ya Tanzania “Taifa Stars” kuelekeza nguvu katika mchezo dhidi ya Rwanda
ili waitoe na kusonga mbele kwenye michuano ya ubingwa wa Mataifa ya Afrika “Chan”,
baada ya mafanikio ya Kombe la Cosafa.
Taifa Stars imewasili uwanja wa
ndege wa kimataifa wa Julius Nyerere, Dar es Salaam jana alfajiri ikitokea
Afrika Kusini ambako walishiriki mashindano ya Kombe la Cosafa na kumaliza
katika nafasi ya tatu.
Na katika mapokezi ya timu
hiyo, waziri Mwakyembe alikuwepo majira ya saa 9 za usiku sambamba na kaimu
rais wa Shirikisho la Soka Tanzania (TFF), Wallace Karia na akawapongeza kocha
Salum Mayanga na wasaidizi wake pamoja na wachezaji kwa mafanikio hayo.
“Nachukua fursa hii kuwapongeza
kwa kutupa heshima katika nchi yetu kwa hatua mliyofikia, nina furaha sana na
karibuni tena nyumbani na ninawaomba muelekeze nguvu zenu katika mashindano
yajayo ili kuiletea nchi yetu maendeleo katika soka,” alisema Mwakyembe.

Kwa upande wake, kocha Mayanga
amesema kwamba wanamshukuru Mungu kwa mafanikio hayo na sasa wanaelekeza nguvu
zao kwenye mchezo dhidi ya Rwanda kuwania tiketi ya kucheza fainali za ubingwa
wa Mataifa ya Afrika “Chan”.

Comments

comments

About Saluti 5

Recommended for you

Leave a Reply

Your email address will not be published. Required fields are marked *