Habari

NI KIVUMBI NA JASHO ARSENAL DHIDI YA MONACO KWA THOMAS LEMAR

on

ARSENAL wanamtaka
Thomas Lemar wa Monaco katika usajili wa kiangazi hiki, lakini wameambiwa na
klabu hiyo ya Ufaransa kuwa “hakuna makubaliano yatakayofikiwa” juu ya kuuziwa
winga huyo.
Ripoti za wiki
hii zimedai kuwa Arsenal ilikuwa imekaribia kukamilisha dili la kumnasa
Mfaransa huyo mwenye nia ya kutua Emirates baada ya kufanya mazungumzo na
Monaco wiki hii.
Kwa mujibu wa
gazeti la Guardian, The Gunners iliweka mezani ofa ya karibu pauni milioni 31
kwa ajili ya nyota huyo, lakini Monaco iliwatolea nje na kumwambia Arsene
Wenger kwamba mchezaji huyo hayuko sokoni.
Mabingwa hao wa Ligue
1, tayari wamempiga bei Bernardo Silva kiangazi hiki na wanakaribia kumpoteza Timeoue
Bakayoko kwa Chelsea na Fabinho kwa Manchester United.
Pia kuna
matamanio makubwa ya klabu kubwa za Ulaya kwa mshambuliaji wake kinda Kylian
Mbappe, ikiwamo Arsenal, lakini Monaco imeamua kumpa ofa ya kuongeza mshahara
wake kwa asilimia 900, ikiwa na dhamira ya kumbakisha.

Comments

comments

About Saluti 5

Recommended for you

Leave a Reply

Your email address will not be published. Required fields are marked *