Habari

RAHEEM STERLING ATABIRI MAKUBWA MENGI MAZITO MAN CITY KWA USAJILI WA GUARDIOLA

on

MSHAMBULIAJI wa pembeni wa
klabu ya Manchester City, Raheem Sterling amemtabiria makubwa kocha wake, Pep
Guardiola katika usajili anaoufanya wakati huu wa majira ya joto.
Sterling ameweka wazi kuwa
kikosi hicho kwa sasa kimekamilika kuelekea msimu mpya wa Ligi, hivyo kuna
uwezekano mkubwa wa kikosi hicho kutwaa ubingwa wa Ligi Kuu msimu ujao ambao
unatarajiwa kuanza Agosti.
Mara ya mwisho klabu hiyo
kutwaa ubingwa wa Ligi Kuu England ilikuwa 2014 lakini msimu uliopita ilimaliza
ikishika nafasi ya tatu ikiwa nyuma ya pointi 15 dhidi ya mabingwa wa Ligi
hiyo, Chelsea.
Hadi sasa tayari Manchester
City imeonyesha jeuri ya fedha kwa kuzinasa saini za wachezaji watatu, mlinda
mlango Ederson Moraes kutoka Benfica kwa kitita cha pauni mil 34.7, kiungo
kutoka Monaco, Bernardo Silva kwa pauni mil 43 na beki kutoka Tottenham, Kyle
Walker kwa uhamisho wa pauni mil 50.
Sterling anaamini kwa usajili
wa wachezaji hao, Guardiola atafanikisha kufanya makubwa msimu ujao japokuwa
bado kocha huyo anaendelea kutafuta baadhi ya saini za wachezaji mbalimbali
ikiwa ni pamoja na mshambuliaji wa Arsenal, Alexis Sanchez.
“Kilichobaki kwa sasa ni kutwaa
mataji msimu ujao, tunataka taji la Ligi Kuu, hicho ni kitu muhimu sana kwangu
mwakani kwa kuwa tuna kikosi bora nchini England.”

“Guardiola amefanya makubwa
katika usajili wakati huu wa majira ya joto na ninaamini bado yuko kwenye
mipango ya kuendelea kukiongezea nguvu ili kuweza kufanya makubwa zaidi, sina
wasiwasi na msimu ujao, ninaamini tuna nafasi kubwa ya kutwaa ubingwa,” alisema
Sterling.

Comments

comments

About Saluti 5

Recommended for you

Leave a Reply

Your email address will not be published. Required fields are marked *