Habari

RAPHAEL VARANE AONYESHA DALILI ZOTE ZA KUMFUATA MOURINHO OLD TRAFFORD

on

TAARIFA za tetesi za usajili za
mwishoni mwa juma zinamtaja nyota wa Real Madrid, Raphael Varane kuwa na
asilimia kubwa ya kutua katika kikosi cha mashetani wekundu wa Old Trafford.
Ukubwa wa tetesi hizi unafuatia
ukweli mwingine pia kuwa Varane ana mawasiliano na kocha wa United, Jose
Mourinho.
Imefahamika kuwa Mourinho
amemweka katika orodha ya usajili wake pindi akichukua jukumu la kukinoa kikosi
cha United.
Kwa mujibu wa Daily Star,
imemwelezea Varane kama ni mchezaji wa awali aliye katika malengo ya Mourinho
na kwamba wawili hao wameshaanza kuteta.
Hata hivyo, United wanakabiliwa
na upinzani mkubwa kutoka kwa vigogo wengine wa soka barani Ulaya ambao nao
wameweka nia ya kumsainisha beki huyo.
Mabingwa wa Bundesliga, Bayern
Munich, Liverpool, Juventus na Paris Saint-Germain wamo katika mbio za kuwania
saini ya Raphael Varane.
Varane amekuwa akikosa namba ya
kudumu katika kikosi cha Los Blancos cha msimu huu baada ya kocha wa Real
Madrid, Zinedine Zidane kuwapa nafasi kubwa walinzi Sergio Ramos na Pepe.
Varane mwenye umri wa miaka 23,
ameelezwa kutoficha mapenzi aliyonayo kwa kocha Jose Mourinho tangu akiinoa
Chelsea.
Hata alivyokuwa ndani ya Real
Madrid, Mourinho alikuwa akimwamini Varane kiasi cha kupangwa mara kwa mara, tofauti
na sasa ambapo amekuwa akipangwa kwa nadra na Zidane.

Comments

comments

About Saluti 5

Recommended for you

Leave a Reply

Your email address will not be published. Required fields are marked *