Habari

SIMBA YAMNYATIA KIUNGO ALLAN KATAREGGA WA AFC LEOPARDS

on

SIMBA iko katika mipango
madhubuti ya kusajili na kuunganisha kikosi chake upya.
Na kama ambavyo siku zote
wanafanya, wekundu hao wa Msimbazi wameonekana kufanya usajili wao kwa umakini
wa hali ya juu.
Moja ya mawindo ambayo Simba
inanyatia kwa sasa ni kumnasa kiungo Allan Katerega wa AFC Leopards ya Kenya,
ambaye aling’ara sana katika michuano ya Sportpesa Super Cup jijini Dar es
Salaam.
Mmoja wa viongozi wa Simba
ameithibitishia saluti5 kwamba Katerega anaweza kuwa mmoja wa wachezaji wapya
wa Simba kama mipango iliyosukwa itakwenda kama ilivyopangwa.
Amesema kwamba Simba inamtaka
kiungo huyo kwa ajili ya nafasi ya ushambuliaji kama mipango ya kumsajili
Walter Bwalya itakuwa haijakaa sawa.

Bwalya ambaye amekiri kwamba
amefikia mahali pazuri na Simba ingawa anawekewa ngumu na baadhi ya viongozi wa
soka nchini Zambia wakisema kwamba sio raia wa nchini hiyo.

Comments

comments

About Saluti 5

Recommended for you

Leave a Reply

Your email address will not be published. Required fields are marked *