Habari

SINGIDA UNITED KUJIPIMA NA MECHI 10 KABLA YA MICHUANO YA LIGI KUU

on

KLABU ya Singida United
iliyopanda daraja msimu uliopita imenunua basi la mil 300 ili kurahisisha
safari zake pindi michuano ya Ligi Kuu bara itakapoanza kutimua vumbi.
Singida United imepanga kucheza
mechi kumi za kujipima nguvu kabla ya msimu kuanza ambapo katika michezo hiyo,
wanatarajia kucheza dhidi ya timu tano za Tanzania bara na tano za kimataifa.
Mkurugenzi wa klabu hiyo, Festo
Richard alithibitisha taarifa hizo na kusema kuwa wapo kwenye mazungumzo na
baadhi ya timu kutoka nje ya mipaka ili kucheza mechi za kujipima kabla ya Ligi
kuanza.
“Tumepanga kuwashangaza watu,
ndio maana mambo yetu yanakwenda kama yalivyopangwa. Tutacheza mechi tano za
kirafiki dhidi ya timu za nje kisha tutacheza nyingine tano za ndani,” alisema
mkurugenzi huyo.
“Tutaingia kambini jijini
Mwanza kabla ya kuanza kwa michezo hiyo, lakini kwa hivi sasa bado hatujajua ni
timu zipi tutacheza nazo hapa nchini kwani bado tunaendelea kufanya nazo
mazungumzo, ila timu za nje zitatoka kwenye mataifa jirani na Tanzania,”
aliongeza.
“Tunataka kupeleka mambo yetu
kisasa, ukiachiliambali wafadhili tuliokuwa nao hivi sasa tunatarajia kupata
wengine saba ambao bado mazungumzo yanaendelea mpaka wakati huu,” alimaliza.

Timu ya Singida United imepanda
daraja msimu huu na inaonekana kuanza kufanya maandalizi ya nguvu huku ikifanya
matumizi makubwa ya fedha katika usajili wake ambapo imekuwa ikinasa mastaa
kutoka nje ya nchi.

Comments

comments

About Saluti 5

Recommended for you

Leave a Reply

Your email address will not be published. Required fields are marked *