Habari

THIBAUT COURTOIS ATIKISA KIBIRITI CHELSEA… ataka mshahara wa pauni 200,000 kwa wiki

on

THIBAUT Courtois ameanza
kuitikisa klabu ya Chelsea akitaka mshahara wa pauni 200,000 kwa wiki ili
aingie kwenye daraja la wachezaji wanaolipwa mkwanja mrefu Stanford Bridge.
Inakuwa kama hadithi lakini huo
ndio ukweli wenyewe, anataka kufanana na wachezaji wenye hadhi kubwa kama Eden Hazard,
Wayne Rooney, au Yaya Toure ambao wapo kwenye madaraja hayo kwa mishahara.
Roman Abrahamovich anamlipa
pauni 90,000 kwa wiki lakini yeye anaona ni fedheha kupokea fedha hiyo,
anaamini ameshakomaa na anastahili kulingana na nyota wakubwa ambapo anahitaji
kulipwa mara mbili ya mshahara anaopata sasa ili aendelee kubaki Stanford
Bridge.
Anafahamu namna ambavyo Real
Madrid wanamtamani hivyo anatumia ndoano hiyo kuitikisa Chelsea.
Ni jambo la kushitua kidogo,
hasa kwa wachezaji wanaocheza nafasi ya mlinda mlango, si jambo lililozoeleka
sana. 
Imezoeleka kuona washambuliaji na mawinga ndio hulipwa fedha nyingi
lakini sio kwa mabeki, makipa na viungo wakabaji kama N’Golo Kante.
Mwaka jana kipa David de Gea
alitikisa kiberiti akataka kutua Real Madrid, Manchester United ikampa mkataba
mpya na kumlipa kiasi cha pauni laki mbili kwa wiki.
Ilikuwa ni habari kubwa kwa
sababu makipa hata wawe na ubora wa kiasi gani bado huhesabika kama wachezaji
wasiokuwa na umuhimu sana.
Unapoona makipa nao wameamka na
kutaja madau makubwa ujue tunakoelekea ni kubaya sana, kila nafasi uwanjani
itahitaji kulipwa kitita kikubwa cha fedha na matokeo yake soka litabaki
mikononi mwa matajiri wachache wenye uwezo wa kulisimamia.

Kinda kama Thibaut anataka
kulipwa fedha nyingi kumzidi Buffon wa Juventus ambaye amebeba makombe mengi na
mwenye uzoefu mkubwa, ni jambo la kusikitisha kidogo.

Comments

comments

About Saluti 5

Recommended for you

Leave a Reply

Your email address will not be published. Required fields are marked *