Habari

TOTTENHAM, LIVERPOOL ZAINGIA VITANI KUWANIA SAINI YA KIUNGO WA DORTMUND

on

KIUNGO Mahmoud Dahoud
ameziingiza vitani klabu za Tottenham Hotspurs na Liverpool ambazo kila moja
inasaka saini yake kiangazi hiki.
Dahoud mwenye uraia wa Syria
amekuwa muhimili wa idara ya ushambuliaji na tayari Spurs wamekuwa wa kwanza
kuingia katika mbio za kumsajili tangu lilipofunguliwa dirisha la majira ya
joto.
Pamoja na Spurs na Liverpool,
Dahoud amewavuta mabingwa watetezi wa serie A, Juventus ambao nao walianza
kufanya mazungumzo nae tangu katika usajili wa majira ya baridi, lakini dili
hilo halikukamilika.
Dahoud alizaliwa nchini Syria
jirani na mpaka wa Uturuki na amekulia katika kituo cha kukuzia vipaji klabu ya
Gladbach akitokea katika timu ya Fortuna Dusseldorf mnamo mwaka 2010.
Hata hivyo, taarifa kutoka
ndani ya klabu yake ya sasa zinathibitisha kuwa kiungo huyo ana mkataba wa muda
mrefu unaofikia tamati mwaka 2018, ingawa tayari wameanza mazungumzo ya awali
ya kumuongezea kandarasi mpya.
Magazeti ya nchini Ujerumani
yamethibitisha taarifa kuwa, Spurs wameshaanza mazungumzo na klabu ya Dortmund.

Comments

comments

About Saluti 5

Recommended for you

Leave a Reply

Your email address will not be published. Required fields are marked *