Habari

WENGER ASEMA LACAZETTE ANA MAMBO YOTE ALIYONAYO SANCHES NA PENGINE KUMZIDI

on

KOCHA wa Arsenal, Arsene Wenger
amesema kuwa muuaji wa makipa, Alexandre Lacazette ana mambo yote ambayo Alexis
Sanchez anayo na pengine kumzidi, ingawa hana maana kwamba Sanchez ni
mshambuliaji mbaya.
Habari mpya ni kwamba nyota huyo
anaweza kutua katika klabu hiyo wakati wowote kwa sababu klabu yake ya sasa
imetoa baraka zote.
Kocha wa kikosi hicho, Arsene Wenger
amesema kwamba amehakikishiwa na mtu mmoja muhimu kwamba anaweza kumpata nyota
huyo wakati wowote.
Na hii maana yake ni kwamba,
arsenal sasa inaweza kuamua kuachana kabisa kiroho safi na “msumbufu” Alexis
Sanchez, mtu ambaye ameifungia klabu hiyo mabao 30 katika mashindano yote.
“Nimehakikishiwa na rais wa
Lyon kwamba Lacazette ni mchezaji tunaeweza kumnasa wakati wowote,” amesema Wenger.
“Katika kipindi hiki ambacho Sanchez
anaondoka na Danny Welbeck ni majeruhi, tunatakiwa kuwa na Arsenal yenye watu
ambao watatuhakikishia mabao mengi,” amesema.
“Tunatakiwa kuwa na
washambuliaji wenye uhakika wa kupigania timu. Ni wakati wa kuwa na
washambuliaji wakali zaidi,” amesema Wenger.
Katika mabao 37 aliyofunga
Lacazette, anaonekana kama ni mtu mwenye uhakika wa kufanya makubwa zaidi akiwa
na Arsenal.
Arsenal ina wasiwasi mkubwa wa
kuwakosa nyota wengi na hasa ikizingatiwa kuwa kikosi chake kina orodha kubwa
ya wachezaji majeruhi, lakini pia Olivier Giroud anayetajwa kama roho ya timu
nae anataka kuhamia Lyon.
Lakini hatua ya rais wa Lyon,
Jean-Michel Aulas kuihakikishia Arsenal kwamba wanaweza kumpata Lacazette,
inaonyesha wazi kwamba sasa Parc Olimpique Lyonnais hawana chao.

“Alexandre anaweza kuondoka
Atletico, lakini hawezi kuondoka katika timu ambayo ina malengo mengi. Hapo ndipo
unapoona kwamba wakati huu kila mchezaji anatakiwa kufanya tafakuri kubwa,”
amesema Aulas akihojiwa na shirika la habari la AFP.

Comments

comments

About Saluti 5

Recommended for you

Leave a Reply

Your email address will not be published. Required fields are marked *