Habari

YANGA YATAMBA KUIZIDI UJANJA SIMBA USAJILI WA WACHEZAJI KIKOSI CHA TIMU YA TAIFA

on

YANGA wamedai kutarajia kuwazidi kete
Simba kwa kufanya usajili wa maana kwa wachezaji wanaocheza katika kikosi cha
timu ya Taifa Stars kwa msimu ujao wa Ligi Kuu na mashindano mengine.
Kikosi cha Taifa Stars ambacho
kipo Afrika Kusini kushiriki michuano ya COSAFA na inasemekana mabosi wa Yanga
wamepanga kuchomoa vifaa ambao wapo katika mazungumzo na baadhi ya wachezaji
nyota.
Yanga ambao ni mabingwa wa Ligi
Kuu Tanzania Bara wanaendelea kusuka kikosi chao kimyakimya kwa kuhofia hujuma
kutoka kwa wapinzani wao wa soka wakiwamo watani wao wa jadi, Simba.
Akizungumza na saluti5, mwenyekiti wa
kamati ya usajili ya Yanga, Husein Nyika alisema kuna wachezaji wamepanga kuwasajili katika timu ya taifa na wanasubiri wachezaji watakaporejea nchini
wamalizane nao.
Nyika alisema falsafa yao ya
msimu huu ni kusajili wachezaji chipukizi zaidi ambao wataitumikia klabu hiyo
kwa miaka mitano au sita mbele.
“Siwezi kuweka wazi usajili
wetu kwa sababu ukisema tunamsajili mchezaji fulani utasikia klabu nyingine
inamtaka na kutibua mipango yetu wewe subiri timu itakaporejea utaona kazi,” alisema Nyika.

Tayari Yanga wamesajili
wachezaji wapya Abdallah Haji, Shaibu Ninja kutoka Jang’ombe, Zanzibar
Pius, Buswita (Mbao FC), huku wengine kama Donald Ngoma, Amis Tambwe na Haji Mwinyi wakiongezewa
mikataba.

Comments

comments

About Saluti 5

Recommended for you

Leave a Reply

Your email address will not be published. Required fields are marked *