Habari

AZAM FC WACHEKELEA UFUNDISHAJI WA KOCHA ARISTICA CIOBA… wadai utarudisha heshima klabuni

on

UONGOZI wa Azam FC umefurahia
mfumo unaotumiwa na kocha Mromania Aristica Cioba na kudai kuwa, utarudisha
heshima ya timu hiyo msimu ujao wa Tanzania bara licha ya kuondokewa na nyota
wake mbalimbali.
Kocha huyo amekuwa akitumia
mfumo wa kuhakikisha wachezaji wote waliopo katika kikosi hicho wanapata nafasi
ya kushuka dimbani kuonyesha viwango vyao.
Baadhi ya nyota walioiwezesha
timu hiyo kupata mafanikio makubwa misimu iliyopita, ambao kwa sasa wamesajiliwa na timu nyingine ni pamoja na John
Bocco, Shomari Kapombe, Aishi Manura na Erasto Nyoni, ambao ambao wote wametua Simba huku Hamis Mcha na Ame
Ali wakiachwa baada ya mikataba yao kumalizika.
Akizungumza jana Ofisa Habari
wa timu hiyo, Jaffar Idd alisema uongozi umeridhishwa kuwa kikosi walichonacho
sasa kipo tayari kwa mapambano msimu ujao.
Alisema kitendo cha kikosi
hicho kupata nafasi ya kujipima na timu mbalimbali kimeweza kuboresha na
kuongeza matumaini mapya kwa uongozi.
“Uongozi unaamini msimu ujao
utakuwa wa mavuno kwa Azam FC kwani mfumo ambao kocha amekuwa akiutumia wa
kuhakikisha kila mchezaji anaingia uwanjani kuonyesha kiwango  chake umekuwa kivutio kikubwa na kambi tulizoweka nchi mbalimbali kwa ajili ya maandalizi ya msimu ujao wa Ligi Kuu zimeweza kuwaimarisha zaidi wachezaji,” alisema Idd.
Idd alisema timu hiyo
imefanikiwa kucheza michezo mingi ya kirafiki hivyo upande wa kocha ameweza
kuandaa vyema kikosi chake cha kwanza ambacho atakitumia.
Idd alisema timu hiyo imefanikiwa
kucheza michezo mingi ya kirafiki upande wa
kocha ameweza kuandaa vyema kikosi chake cha kwanza ambacho atakitumia.

Azam FC ilianza safari ya
kurejea nchini jana ikitokea Uganda ilikokuwa imeweka kambi ya kujiandaa na
msimu ujao wa Ligi huku ikiwa tayari iliweka kambi ya awali nchini Rwanda mwezi
uliopita.

Comments

comments

About Saluti 5

Recommended for you

Leave a Reply

Your email address will not be published. Required fields are marked *