Habari

AZAM FC WASEMA HAWANA PAPARA NA KAGERA SUGAR KUHUSU SAKATA LA MBARAKA YUSUPH

on


UONGOZI wa Azam FC umewatoa
hofu mashabiki wa timu hiyo kuhusu usajili wa mshambuliaji Mbaraka Yussuf aliyewekewa pingamizi na timu yake ya zamani ya Kagera Sugar.
Azam FC imefanikiwa
kumsajili mchezaji huyo bora chipukizi wa VPL msimu uliopita kwenye usajili huu kwa mkataba wa miaka miwili na tayari ameungana na kikosi hicho kilichomaliza
kambi yake ya siku 10 nchini Uganda hivi karibuni kujiandaa na msimu ujao.
Kagera Sugar inadai bado ina
mkataba na mchezaji huyo kwa miaka mitatu, ikipeleka pingamizi hilo la usajili
kwenye kamati ya katiba, sheria na hadhi za wachezaji ya TFF ambayo inatarajia
kukutana kesho Jumapili hii kupitisha usajili.
Taarifa iliyotolewa na Ofisa Habari wa Azam FC, Jaffar Idd, imeeleza kuwa timu hiyo ilimsajili mchezaji huyo
kwa kufuata taratibu zote za usajili huku akidokeza kuwa tayari Shirikisho la
soka la kimataifa (FIFA) limeidhinisha usajili wake kupitia mfumo mpya wa
usajili wa kimtandao “TMS”.
“Kagera Sugar ni timu ya muda
mrefu kwenye Ligi, toka ipande haijawahi kushuka, wao wanalalamika kuwa
Azam FC imemsajili mchezaji wao ambaye ni Yussuf, wakidai bado hana mkataba
wa miaka mitatu.”
“Lakini sisi kama Azam FC, baada ya kuamua kumsajili mchezaji huyo ni kwamba tumefuata taratibu
zote na tumeona kuwa mkataba wake umekwisha na yuko huru na mkataba wa mwaka
mmoja wa mchezaji huyo aliyeingia na Kagera Sugar umekwisha Juni 19 kwahiyo
tayari alikuwa mchezaji huru,” alisema.
Idd alisema kuwa kwa Azam FC
kuamua kumsajili Yusuph walipitia vigezo vyote na kuamini kabisa alikuwa ni mchezaji anayeweza kuichezea Azam  FC msimu ujao.
“Kingine kabisda Azam FC
waliamua kupeleka jina la Yussuf kwenye usajili huu kwa maana kwenye TMS na
jina lake limerudi vizuri limekubalika na FIFA baada ya kufanya usajili kupitia
TMS, wenzetu wa Kagera Sugar jina la Yussuf hawakupeleka.”
“Hiyo inaonyesha kuwa tayari Kagera Sugar imeshakubali mchezaji huyo mkataba wanaosema kuwa wa miaka mitatu
sio wakweli na wakweli ni mwaka mmoja ulioisha, ni kweli kabisa Kagera Sugar ni
wenzetu na kwenye mpira ni marafiki zetu kama kweli wamekuwa na mkataba wa miaka
mitatu basi lazima na wao wangepeleka jina kwahiyo majina mawili yangepelekwa
kwenye TMS.”
“Na kwenye TMS yakienda majina
mawili basi ni kwamba inakataa usajili na inarudisha kwa TFF kutaka ukweli
kutambua kuwa mchezaji huyu sasa hivi yuko wapi, Azam FC tuna matumaini mchezaji
huyu tutampata ila hatuna ugomvi na Kagera Sugar wala visasi ila taratibu za mpira zifuatwe,”
alisema.
Alimalizia kwa kusema kuwa,
Azam ni mojawapo ya timu zilizoandikiwa barua kufika kwenye kamati hiyo
inayoshungulika na mambo ya usajili na kudai kuwa watakwenda Jumapili na
vielezo vyote vinavyostahiki na wakiwa na imani kuwa suala hilo litakwisha.

Yussuf kwa sasa anaendelea na
mazoezi mepesi tayari kabisa kurejea dimbani baada ya kufanyiwa upasuaji wa
ngiri mwezi ulipita.

Comments

comments

About Saluti 5

Recommended for you

Leave a Reply

Your email address will not be published. Required fields are marked *