Habari

BEKI ERASTO NYONI AANZA MAKEKE SIMBA SC

on

BEKI wa zamani wa Azam FC, Erasto Nyoni amedhihirisha kuwa wekundu wa Msimbazi, Simba hawakukosea
kumsajili baada ya kufungua kaunti ya mabao kwa timu hiyo.
Nyoni akicheza mchezo wake wa
pili akiwa amevalia jezi ya Msimbazi alionyesha kiwango cha hali ya juu kwenye
mchezo wa kirafiki wa timu hiyo dhidi ya mabingwa wa Afrika Kusini Bidvest
Wits.
Beki huyo alionekana kudumu
vyema kucheza nafasi ya beki ya kulia na kucheza kwa uelewano mkubwa na
wenzake, kiasi cha kumfanya kocha wake Joseph Omog kutabasamu.
Katika mechi hiyo ya katikati ya wiki, Nyoni
alionekana kusaidia timu yake katika kupandisha mashambulizi za kuisaidia timu
yake kupata bao la mapema kwenye mchezo uliomalizika kwa sare ya bao 1-1.
Simba, ambayo ipo nchini Afrika Kusini takriban wiki tatu, imekuwa ikijiwinda na mechi ya tamasha la Simba Day na ile
ya Ngao ya Jamii dhidi ya wapinzani wao wa jadi, Yanga itakayopigwa Agosti 23, mwaka huu kwenye uwanja wa Taifa, Dar es Salaam.
Katika tamasha lao la Simba Day
Agosti 8, Wekundu wa Msimbazi hao watacheza mechi ya kirafiki na Rayon
Sports ya Rwanda huku pia ikitumia nafasi hiyo kutambulisha wachezaji wao wapya
iliowasajili msimu huu.

Simba hadi sasa imewasajili
wachezaji 13, ambao ni Aishi Manula, Emmanuel Mseja, Said Mohammed, Salim
Mbonde, Ally Shomar, Jamal Mwambeleko, Yusuph Mlipili’ Shomari Kapombe, Erasto
Nyoni, Emmanuel Okwi, John Bocco, Nicholas Gyan na Haruna Niyonzima, anayedaiwa
kutua Msimbazi, japo hadi sasa bado hajathibitishwa rasmi.

Comments

comments

About Saluti 5

Recommended for you

Leave a Reply

Your email address will not be published. Required fields are marked *