Habari

CONTE “AWAKATISHA TAMAA” MASHABIKI WA CHELSEA

on

KOCHA wa Chelsea, Antonio Conte, amesema kwamba itamchukua miaka
minne ili kukitengeneza kikosi cha ushindi kitakachoweza kupambana kunyakua
taji la Ligi ya Mabingwa Ulaya.
Conte ambaye ameshinda ubingwa wa
Ligi Kuu England msimu uliopita ukiwa msimu wake wa kwanza, lakini anaamini
mafanikio yanatengenezwa na msingi imara. 
Na baada ya kukaa msimu mmoja
Chelsea, Conte anasisitiza kwamba anahitaji muda zaidi ili kuwa na uhakika wa
kutwaa mataji kwenye klabu hiyo.
“Tunahitaji muda,” alisema Conte
na kuongeza kwamba inawezekana miaka minne ikatosha kuunda kikosi cha kupambana
kunyakuwa taji la Ligi ya Mabingwa Ulaya.
Wakati kocha huyo ana lengo la
kukitengeneza kikosi kipya cha Chelsea tayari ameingia katika vita ya maneno na
mshambuliaji wake, Diego Costa.
Mshambuliaji huyo kwa sasa yupo Brazil akijifua binafsi huku
akikataa kujiunga na Chelsea baada ya kuelezwa na Conte kwamba hayupo kwenye
mpango wake.
Licha ya kuwa kocha wa 14 katika
klabu ya Chelsea ndani ya miaka 14 tangu Roman Abramovich kuwa mmiliki wa klabu
hiyo, kocha huyo anaamini kwamba atapata muda
anaohitaji.     
“Hakuna mtu yeyote aliyeninyooshea bunduki kwenye kichwa changu
na kuniambia unashinda au unaondoka,”alisema Conte.
“Kuna wakati unaweza kushinda mataji lakini bado haujatengeneza
kitu fulani kwa ajili ya maisha yajayo.

Unaweza kushinda na kujiharibia mwenyewe na wakati mwingine
hushindi lakini unajiandaa kuwa bora baadaye hivyo tunatakiwa kutengeneza
msingi imara lakini kwa sasa hatuna kitu hicho.” aliongeza Muitaliano huyo.

Comments

comments

About Saluti 5

Recommended for you

Leave a Reply

Your email address will not be published. Required fields are marked *