MABINGWA wa zamani wa Ligi Kuu ya Vodacom Tanzania Bara, Mtibwa Sugar wameendelea kujiimarisha dhidi ya msimu ujao baada ya kumsajili beki wa zamani wa Simba SC Hassan Suleiman Isihaka.

Timu hiyo inayomilikiwa na kiwanda cha sukari bora nchini Mtibwa Sugar kilichopo mkoani Morogoro, imefanikiwa kunasa saini ya beki huyo ambayo msimu uliopita aliichezea kwa mkopo Afrika Lyon ya Dar es Salaam.

Hata hivyo baada ya Afrika Lyon kuteremka daraja msimu uliopita, Isiaka akafikia makubaliano maalum ya kuvunja mkataba na Simba ili awe huru na hivyo kufanikiwa kujiunga na Mtibwa Sugar.

Ujio wa beki huyo ni pendekezo la benchi la ufundi la Mtibwa Sugar linaloongozwa na Zuberi Katwila.

“Kiukweli usajili huu niliusubiria kwa hamu kubwa, nadhani kila kocha anatamani kuwa na mchezaji huyu, nadhani bahati imedondokea kwa Mtibwa Sugar pia natoa shukrani za dhati kwa viongozi kwa kufanikisha usajili huu maana ulikuwa wa umuhimu sana kwangu,” amesema Katwila.

Kwa upande wake Isihaka amesema kwamba alikuwa anatamani kufanya kazi na “Wana Tam Tam” Mtibwa Sugar kwa muda mrefu na anadhani amefanikiwa kwa kuwa ni klabu kubwa na wachezaji wengi nchini wakubwa wamepita hapo.


Isihaka anakuwa mchezaji mpya wa saba kusajiliwa na Mtibwa dirisha hili wengine wakiwa ni kipa Shaban Hassan Kado, mabeki Salum Kanoni kutoka Mwadui, Hussen Idd Hante kutoka JKT Oljoro, viungo Hassan Dilangu kutoka JKT Ruvu na washambuliaji ni Riffat Khamis Msuya kutoka Ndanda FC na Salum.
USISAHAU KUBONYEZA SUBSCRIBE HAPO
LIKE PAGE YETU YA FACEBOOK Saluti5

Post a Comment

 
Top
Nicolaus Trac