Habari

NICHOLAS GYAN ASEMA ANA NDOTO KUBWA SIMBA SC

on

HUKUakifikiria kuomba uraia wa
Tanzania ili aweze kucheza katika kikosi cha timu ya Taifa ya Tanzania “Taifa
Stars”, mshambuliaji mpya wa Simba Nicholas Gyan amesema ana ndoto kubwa katika
Simba.
Gyan amekaririwa na vyombo vya
habari vya nchini kwao Ghana akisema kwamba yuko tayari kuomba uraia wa
Tanzania kusudi aweze kutumikia timu ya taifa ya Tanzania.
Lakini pia nyota huyo amesema
kwamba anataka kuandika historia nyingine kubwa katika kikosi cha Simba kwa
maana ya kuisaidia kutwaa ubingwa.
Pamoja na kutaka kuisaidia
Simba kunyakua ubingwa, Gyan ambaye ni mdogo wake mwanasoka nyota wa Ghana,
Asamoah Gyan amesema kwamba anataka kupambnana awezavvyo ili awe mfungaji bora
wa Ligi Kuu ya soka Tanzania bara.
“Pamoja na kuisaidia Simba kuwa
mabingwa, pia nataka kuwa mfungaji bora ili kuwaonyesha Waghana wote kuwa mimi
kazi yangu ya kufunga naijua,” amesema.
Mshambuliaji huyo aliyetua Simba
akitokea katika klabu ya Ebusua Dwarfs amesema kwamba amesiokitishwa kutoitwa
kwenye kikosi cha timu ya taifa ya Ghana  “Black Stars” huku akiwa ndiye anayeongoza kwa
kufunga mabao kwenye Ligi Kuu.
Akihojiwa na waandishi wa
habari nchini kwao Ghana, Gyan amesema kwamba ameshauliwa hata na ndugu zake
kwamba kama kuna uwezekano aombe uraia wa Tanzania ili aweze kucheza timu ya
Taifa baada ya kutoitwa kwenye kikosi cha ‘Black Stars’ B.
Kinda huyo
amesaini mkataba wa miaka mitatu kuitumikia Simba na amefunga mabao 11 katika
Ligi kuu inayoendelea nchini Ghana.
Tayari baadhi ya wachambuji
wasoka hapa nchini wamemtabiria mshambuliaji huyo kuwa straika hatari zaidi
hapa nchini kutokana na uwezo wake wakupambana na kufunga mabao.

“Akipewa nafasi ya kuonesha
kazi yake Simba watakuwa wamepata bonge la straika ambaye atawasaidia sana
katika mechi za kimataifa” amesema mmoja wawadau wa soka, Mosha Thomas.

Comments

comments

About Saluti 5

Recommended for you

Leave a Reply

Your email address will not be published. Required fields are marked *