Habari

NIYONZIMA: NJOONI MUONE “MUZIKI” WANGU AGOSTI 23 UWANJA WA TAIFA

on

KIUNGO mpya wa Simba, Haruna
Niyonzima amewaita mashabiki wa timu yake kufika kwa wingi katika mechi yao ya Ngao
ya Jamii dhidi ya Yanga, itakayochezwa Agosti 23, mwaka huu, kwenye uwanja wa
Taifa jijini Dar es Salaam.
Niyonzima alisema kuwa mashabiki wa Simba wanatakiwa kwenda kushuhudia atakavyofanya mambo yake.
Niyonzima alisema anaamini siku
hiyo akiamka vizuri basi mashabiki wa Simba watafurahia ujio wake ndani ya timu
hiyo.
Alisema kama ilivyo ada timu
hizo zinapokutana kunakuwepo na ushindani mkubwa bila kuangalia udhahifu wa
timu yoyote kati yao.
Niyonzima alisema anatarajia
kukabiliana na changamoto katika mechi hiyo na amejipanga kuhakikisha
anaisaidia timu yake mpya kuibuka na ushindi.
“Ni mchezo mgumu lakini siwezi
kuuzungumzia sana isipokuwa ujue siwezi kucheza pekee yangu bali nitajaribu
kutoa kile nilichonacho kwa kushirikiana na wenzangu Mwenyezi Mungu akinisaidia
nikaamka vizuri nadhani nitafanya kitu kizuri,” alisema Niyonzima.
“Nawaahidi mashabiki wa Simba
kuwalipa fadhila kutokana na kunipa heshima ya kipekee kwa kukubali uwezo wangu,”
alisema Niyonzima.

Niyonzima amesajiliwa na Simba
katika dirisha kubwa la usajili wa Ligi Kuu Tanzania Bara kwa mkataba wa miaka
miwili akitokea kwa mahasimu wao, Yanga.

Comments

comments

About Saluti 5

Recommended for you

Leave a Reply

Your email address will not be published. Required fields are marked *