Habari

RASHFORD ASEMA MANCHESTER UNITED ILIPATA KINACHOSTAHILI

on

KWA kile ambacho unaweza
kusema  ni kama ushindi umeanza kumpa kusema, straika Marcus Rashford
amesisitiza kuwa Manchester United walipata kile walichostahili baada ya
kufanya vyema majukumu yao na kushinda 2-0 dhidi ya Leicester City.
Mashetani Wekundu walilazimika kusubiri hadi dakika ya 70 kupata
goli la kwanza katika uwanja wa Old Trafford baada ya kubanwa vizuri na
Leicester.
Rashford ndiye mchezaji aliyekwamisha wavuni bao la kwanza baada
ya Romelu Lukaku kukosa penalti, wakati Marouane Fellaini akiweka kimiani bao
la pili.
Akizungumza na BT Sport baada ya mechi, Mchezaji huyo wa
kimataifa wa Uingereza amekiri kuwa anafurahia kubeba uzito wa timu kwa kufunga
goli muhimu kwa United.
“Tulitengeneza nafasi nyingi sana kipindi cha kwanza na
ilionekana kama tungeshinda kama zile siku za nyuma,” alisema.
“Lakini timu iliendelea vema na jukumu na nashukuru tulipata goli.
Ninapopata nafasi, najiamini nitafunga magoli.”
United waliendelea kushinda bila kuruhusu goli katika mechi zao
tatu za mwazo Ligi Kuu Uingereza kwa mara ya sita katika historia.

Comments

comments

About Saluti 5

Recommended for you

Leave a Reply

Your email address will not be published. Required fields are marked *